ताजा समाचार

प्रा.डा. गोविन्द केसी आज साँझ चार बजेदेखि फेरी ११ औं पटक अनसन बस्दै

राजनीति
-
       

काठमाडौं, ९ साउन । इन्स्टिच्युट अफ मेडिसिन (आईओएम) का प्राध्यापक डा. गोविन्द केसी आजदेखि अनसन बस्ने भएका छन् । सरकारले आफूसँग गरेको सम्झौताअनुसार काम नगरेको भन्दै केसीले फेरि आजदेखि ११ औं पटक अनशन बस्ने घोषणा गरेका हुन् ।

आफूसँग विगतमा भएका सम्झौता सरकार र राजनीतिक दलले बारम्बार उल्लंघन गरेर गैरजिम्मेवारीपन प्रस्तुत गरेको र चिकित्सा शिक्षा ऐनको विधेयक संसद्बाट एक वर्ष पुगिसक्दा पनि पारित नगरेको भन्दै उनले फेरि अनशनको घोषणा गरेका हुन् ।

‘मसँग भएका सम्झौता कार्यान्वयन भएनन् । त्यसैले सोमबार साँझ चार बजेदेखि सत्याग्रह सुरु गर्दै छु’, डा. केसीले भने । उनले विधेयक पारित नहुनुमा निजी मेडिकल कलेज खोलेर व्यापार गर्न उद्यत प्रमुख दलका शीर्ष नेता तथा स्वार्थको द्वन्द्वमा फसेका संसदीय समितिका सदस्य मुख्य जिम्मेवार रहेको आरोप लगाए ।

Comments

प्रकाशित मिति : 2017-07-24

अरु समाचार

© NewsNepal 2018 - All Right Reserved.
newsnepal.com 2017.hlon.org