ताजा समाचार

रुसले अफगान तालिवानलाई हतियार उपलब्ध गराएको दाबी, अमेरिका झनै चिडियो

विश्व प्रवास
-
       

काठमाडौं, ११ साउन । रुसले अफगानिस्तानका तालिवान लडाकुलाई हतियार उपलब्ध गराउँदै आएको आरोप लागेको छ । तालिवान लडाकुले नै आफूहरुले रुसबाट हतियार पाउँदै आएको खुलासा गरेका हुन् । सीएनएनले तयार पारेको एक रिपोर्टमा तालिवान लडाकुले रुसी सरकारी स्रोतबाट आफूहरुले सैन्य सहयोग प्राप्त गरेको खुलासा गरेका हुन् । रुसले भने उक्त आरोपबारे कुनै प्रतिक्रिया जनाएको छैन ।

यसअघि अफगानिस्तानमा रहेका अमेरिकी उच्च सैन्य अधिकारीले पनि रुसबाट तालिवानलाई सहयोग उपलब्ध हुँदै आएको भनाईलाई आफूले नकार्न नसक्ने बताएका थिए । रुस र अमेरिकाबीच पछिल्लो समय सुमधुर सम्बन्ध छैन । रुसले अमेरिका नेतृत्वमा भएको अफगान युद्धको आलोचना गर्दै आएको छ ।

सीएनएनका अनुसार तालिवान लडाकुका लागि रुसले ताजिकिस्तान र इरान हुँदै हतियार उपलब्ध गराएको तालिवान लडाकुले स्वीकार गरेका छन् ।

Comments

प्रकाशित मिति : 2017-07-26

अरु समाचार

© NewsNepal 2018 - All Right Reserved.
newsnepal.com 2017.hlon.org