राहतको चामलमा पीडितसँगै रकम असुली, ५० रुपैयाँ नहुँदा राहतको चामल पाएनन्

अर्थ र बाणिज्य

काठमाडौं, ५ भदौं । विराटनगर महानगरपालिका–४, पुल्चोकका ३५ वार्षीय सन्तोष उराव र ४० वर्षीय घनश्याम मलाहा राहतको चामल लिन अरु बाढीपीडितसँगै लाइनमा बसे। अगाडि रहेकाहरुले प्रतिपरिवार ३० किलो चामल पाइरहेका थिए। उनीहरुले चामल पाएवापत वितरण गर्नेलाई ५० रुपैयाँसमेत बुझाउँदै थिए। यो खबर आजको अन्नपूर्ण पोष्टमा खबर छ।

सन्तोष र घनश्यामले पनि चामल लिने पालो पाए । तर, ५० रुपैयाँ तिर्न नसक्दा उनीहरुले तत्काल राहत पाएनन्। ‘राहत दिने भनेर बोलाइयो, तर ५० रुपैयाँ तिर्नुपर्छ भनेर भने,’ सन्तोषले भने, ‘५० रुपैयाँ छैन भन्दा चामलै दिइएन। राहत पनि बाढीपीडितसँगै पैसा लिएर वितरण गर्ने गरेको पाइयो ।’ ५० रुपैयाँ खोजेर ल्याएपछि मात्रै चामल पाएको उनले सुनाए ।

बाढीले सबै कुरा बगाएपछि हरिबिजोग भएको सुनाउँदै घनश्यामले भने, ‘हामीसँग ५० रुपैयाँ कहाँबाट हुन्थ्यो ? घरमा भएको पैसासमेत बाढीले बगाउँदा साथमा केही पनि रहेन। छोराछोरी र परिवारका अन्य सदस्य भोकभोकै रहने अवस्था आउपछि ऋण खोजेर भएपनि चामल लिइयो।’

Comments

प्रकाशित मिति : 2017-08-21

राहतको चामलमा पीडितसँगै रकम असुली, ५० रुपैयाँ नहुँदा राहतको चामल पाएनन्

Comments

अरु समाचार