एउटा बाइकमा एकै परिवारका पाँच जना देखेपछि प्रहरीले सडक मै गरे नमस्कार

विश्व प्रवास

एजेन्सी, २५ असोज । एकै परिवारका पाँच सदस्य सवार भएको एउटा बाइकलाई रोकेर प्रहरीले चालकलाई नै नमस्कार गरेका छन् । जुन तस्वीर यतिबेला भारतीय सोशल मिडियामा भाइरल भएको छ । भारतकै एक प्रहरी अधिकारीले मंगलबार ट्विटरमार्फत सार्वजनिक गरेको उक्त तस्वीरलाई पाँच हजारभन्दा बढी पटक ‘रि–ट्वीट’ गरिएको छ ।

त्यस्तै झण्डै १० हजार जनाले तस्वीरलाई ‘लाइक’ गरेका छन् । संयौंको संख्यामा ‘कमेन्ट’ आएका छन् । उक्त तस्वीर आन्ध्र प्रदेशको अनन्तपुर जिल्लामा लिइएको हो । बेंग्लोरका पूर्वी भेगका डीसीपीले ट्विट गर्दै लेखेका छन्, ‘यसले (पुलिकसकर्मी) अरु के नै गर्न सक्छ र ) हामीसँग सँधै एउटै विकल्प हुन्छ, हमेशा सुरक्षित विकल्प चुन्ने ।’

तस्वीरमा बच्चासमेत पाँच जना सवार छन् । चालकले हेलमेटसमेत लगाएका छैनन् । बाइक चालकको नाम हनुमन्थ रायडु रहेको बताइएको छ । उनी आफ्नो परिवारका साथ कतै गइरहेको समयमा प्रहरी चेकिङमा परेका हुन् ।

बी शुभकुमार नाम गरेका प्रहरीले उनलाई रोक्नासाथ नमस्कार गरेका हुन् । शुभकुमार भन्छन्, ‘बाइकमा पाँच जना बसेको, त्यसमा पनि चालकले हेलमेट नलगाएको देखेर मैले नमस्कारबाहेक अरु केही गर्नै सकिनँ ।’ हनुमन्थले यसअघि नै बारम्बार ट्राफिक नियम तोडेको बताइन्छ ।

Comments

प्रकाशित मिति : 2017-10-11

एउटा बाइकमा एकै परिवारका पाँच जना देखेपछि प्रहरीले सडक मै गरे नमस्कार

Comments

अरु समाचार