ताजा समाचार

अमरबहादुर बमलाई रिहा गर्न युएर्इलार्इ राष्ट्रपति भण्डारीको आग्रह

विश्व प्रवास
-
       

काठमाडौं, ३० कात्तिक । राष्ट्रपति विद्या भण्डारीले युएर्इमा मृत्युदण्डको सजाय सुनाइएका अमरबहादुर बमको रिहाइका लागि आग्रह गरेकी छन् । यूएईको भ्रमणका क्रममा राष्ट्रपति भण्डारीले त्यहाँका शासक र युवराजसँग बम अन्जानमा वा परिवन्धमा परेको हुनसक्ने भन्दै रिहाइका लागि आग्रह गरेकी हुन् ।

राष्ट्रपति भण्डारी चार दिने भ्रमण पूरा गरी बिहीबार स्वदेश फर्किएकी छन् । आपूर्तिमन्त्री जयन्त चन्दले त्रिभुवन विमानस्थलमा सञ्चारकर्मीहरुसँग कुरा गर्दै भने, ‘यससम्वन्धमा उपयुक्त समयमा सकारात्मक निर्णय आउने अपेक्षा गरेका छौं ।’

दार्चुलाको धारी गाबिसका बम सन् २००३ मा सवारी चालकको काम गर्न यूएई पुगेका थिए । तर, त्यहाँ पुगेको तेस्रो दिन भएको एक हत्याकाण्डमा सवारी चालकको रुपमा सहयोग गरेको भन्दै दुबई अदालतले उनलाई दोषी ठहर गर्‍यो । २००७ मा मृत्युदण्डको सजाय सुनाएका उनी अहिले पनि जेलमै छन् ।

Comments

प्रकाशित मिति : 2017-11-16

अरु समाचार

© NewsNepal 2018 - All Right Reserved.
newsnepal.com 2017.hlon.org