ताजा समाचार

देउवाले प्रधानमन्त्री र गृहमन्त्री दुवै पद आफैंसँग राख्दा सुरक्षा दिन सकेनः सुवास नेम्वाङ

राजनीति
-
       

काँकडभिट्टा, १० मंसिर । नेकपा एमालेका नेता सुवास नेम्वाङले निर्वाचनको बेला प्रधानमन्त्री शेरबहादुर देउवाले गृहमन्त्री पद पनि लिएर जनतालाई सुरक्षा दिन नसकेको आरोप लगाउनुभएको छ । झापाको बिर्तामोडमा प्रेस चौतारी झापाले आयोजना गरेको पत्रकार सम्मेलनमा पूर्वसभामुख नेम्वाङले उम्मेदवारमाथिको हमलाले मुलुकमा गृहमन्त्री भएको अनुभूति नभएको बताउनुभयो ।

उम्मेदवारको घरमा बम हान्ने र मतदातालाई त्रसित बनाउने काम भइरहेको प्रति चिन्ता व्यक्त गर्दै नेता नेम्वाङले सरकार चुनावलाई मर्यादित बनाउने भन्दा पनि भ्रमको खेती गर्न व्यस्त भएको दोषारोपण गर्नुभयो । नेता नेम्वाङले वामपन्थीको सरकार निर्माण गरेर स्थिर सरकारमार्फत मुलुकको विकास गरिने जिकिर पनि गर्नुभयो । रासस

Comments

प्रकाशित मिति : 2017-11-26

अरु समाचार

© NewsNepal 2018 - All Right Reserved.
newsnepal.com 2017.hlon.org