यमनका पूर्वराष्ट्रपती अलि अब्दुल्लाह सालेहको हत्या

विश्व प्रवास

काठमाडौं, १९ मंसिर । यमनका पूर्व राष्ट्रपति अलि अब्दुल्लाह सालेह मारिएका छन् । भाग्ने क्रममा साउदी अरब नेतृत्वको गठबन्धको नियन्त्रणमा रहेका सालेह मारिएका यमनी हुठी समूहका उच्च अधिकारीले जनाएका छन् । सालेह, उनका भतिजा, केही आफन्त र सालेहको दलका महासचिव सबै जना सोमबार खावलान जिल्लाबाट मारिव प्रान्ततर्फ भाग्ने क्रममा मारिएका, यमनी विद्रोहीको नियन्त्रणमा रहेको गृह मन्त्रालयले पुष्टि गरेको छ ।

मन्त्रालयले उक्तस्थानको भिडियोमा सालेहको मृत शरिर कैद भएको दृष्य देखिएको बताएको छ । ‘मिलिसियाका कारण सिर्जना भएको सङ्कट र मिलिसियालाई नेतृत्व दिँदै आएका पूर्व राष्ट्रपति सालेह, उनका उच्च अधिकारीसमेत मारिएका छन्,’ अल मासिराहा टेलिभिजनमा सालेहका समर्थकलाई उद्धृत गरी जनाइएको छ ।

पूर्व राष्ट्रपति सालेहले शनिबार इरान समर्थक हुठी विद्रोहीसँगको गठबन्धन अन्त्य भएको घोषणा गरेका थिए । सालेहले हुथी विद्रोहीको सहयोगमा यमनी राजधानी सानामा करिब तीन बर्ष संयुक्त रूपमा शासन सम्हालेका थिए ।

यमनी सामाजिक सञ्जालमा सालेहको मृत शरिरको भिडियोसहितका सामग्री छ्यापछ्याप्ती आउन थालेपछि गृह मन्त्रालयले एक विज्ञप्ति जारी गरी सालेहको मृत्युको समाचार सार्वजनिक गरेको थियो । यमनमा तीन दशकभन्दा बढी शासन सम्हालेका ७५ बर्षीय सालेह सन् २०१२ को राजनीतिक जनआन्दोलनका बलमा पदच्युत भएका थिए ।रासस/सिन्हवा

Comments

प्रकाशित मिति : 2017-12-05

यमनका पूर्वराष्ट्रपती अलि अब्दुल्लाह सालेहको हत्या

Comments

अरु समाचार