टिप्पणी : चुनावपछि बाबुराम हर्षित

मुलुकमा प्रतिनिधिसभा र प्रदेशसभा निवार्चनको मतपरिणाम आउनेक्रम जारी नै छ । प्रत्यक्षतर्फको गणना अन्तिममा पुगेको छ भने समानुपातिकतर्फको गणना सुरु भएको छ । अहिलेसम्म वामगठबन्धले धेरै ठाउँमा जित हाँसिल गरेको देखिन्छ । त्यसमा पनि नेकपा एमालेले धेरै ठाउँ जितेको देखियो । माआवादी केन्द्र दोस्रो स्थानमा रहेको छ । अहिलेसम्मको वाम गठबन्धको संयुक्त नतिजा हेर्दा उक्त गठबन्धनले दुईतिहाई नल्याउला भन्न सकिन्न । लोकतान्त्रि गठबन्धनले प्रायः ठाउँमा पराजय व्यहोरेको छ । नेपाली काँग्रेसको अवस्था नाजुक छ । धेरै काँग्रेसीहरू अतालिएका छन् । दुःखित् बनेका छन् । नियाउरोमुख लगाएका छन् । पार्टी नेतृत्वलाई गालीगलोच गरेको पनि सुनिन्छ । वैकल्पिक शक्ति धनेर उदाएका पार्टीको अवस्थामा पनि खासै प्रभावकारी देखिएको छैन् । विवेकशील साझा पार्टीलेभन्दा नयाँ शक्ति पार्टी, नेपालको अवस्था भने निकै राम्रो देखियो । समानुपातिकतर्फ पनि राम्रै नतिजा आएर राष्ट्रिय पार्टी बन्ला भन्ने आश उक्त पार्टीका कार्यकता, शुभेच्छुक र समर्थकहरूमा छ । निर्वाचन अघिदेखि नै निकै चासोपूर्वक हेरिएको गोरखा क्षेत्र नं. २ डा.बाबुराम भट्टराई विजयी भए । उनका विरुद्ध लागेका कथित वुद्धिजीवी लगायत अन्य अहिले ङिच्च परेका होलान् । बाबुराम लोकतान्त्रि गठबन्धनबाट साझा उम्मेदवार बनेका थिए । उनका निकटम प्रतिद्वन्द्वी वाम गठबन्धनलाई करिब ७ हजार मतान्तरले पराजित गरे । अहिले गोरखा लगायत विभिन्न सञ्चारमाध्यममा बाबुरामकै व्यापक चर्चा छ । पार्टीको हैसियतले बोल्नेहरूले आफ्नो पक्षलाई राम्रो मान्ने प्रवृत्ति स्वभाविकै हो तर जस–जसले पार्टीभन्दा माथि उठेर एउटा असल, जनसेवक र राष्ट्रप्रेमी अनुहारलाई हृदयबाट सहयोग गरे उनीहरूको मन पनि विशाल रहेछ । एकचोटी आफ्नो खुट्टा आफैले टेक्न सक्दिन कि भन्ने लागेर अन्य पार्टीसँग हातेमालो गर्न पुगेका बाबुरामले आफूलाई फसाउने चाल थाहा पाएपछि आफ्नो ‘आँखा’ सहितको चुनावी चिन्ह लिएर मैदानमा उत्रिए । वामगठवन्धनको धागो चुडाउन बाबुरामलाई कुनै फोस्रा र अपत्यारिलो भविष्यवाणी गर्न पनि परेनन् किनकी उनको अगाडिकै कामले गोरखाबासीले विश्वास गरेको देखियो । र, अन्तमा गोरखाका शान र इज्जत बाबुरामलाई विजयी गराए । नयाँ शक्तिले नयाँ बाटो पहिल्याएको छ । अबका दिनहरूमा पनि जनताका मर्म र देशको रक्षाको निम्ती सदैब नयाँ मोड लिएर अगाडि बन्नुपर्छ । पहिलेजस्तो संसद्रमा बाबुरामको प्रभावकारी भूमिका नहुन सक्छ । फरक पार्टी, फरक सोच भएको छ । यसका साथसाथै विभिन्न चुनौतीहरू खडा भएका छन् । चुनौती चिर्दै आफूले निर्वाचन क्षेत्रमा गरेका प्रतिबद्धता पूरा गर्न बाबुरामले सक्नुपर्छ ।

Comments