ताजा समाचार

पुरानो ग्यास सिलिण्डर किनेर घरमा लगेलगत्तै विस्फोट, जलेर घर ध्वस्त

प्रदेश
-
       

मलेखु, ७ पुस । पुरानो ग्यास सिलिण्डर किनेर घरमा लगेलगत्तै विस्फोट हुँदा एक घर जलेर पूर्णरुपमा क्षति भएको छ । गल्छी गाउँपालिका वडा नम्बर ५ सिर्वानीमा बाबुराम तिमल्सिनाले बजारबाट किनेर लगेको ग्यासको सिलिण्डर घरभित्र पुर्‍याउँदा विस्फोट भएपछि घर जलेर ध्वस्त भएको सोही वडाका वडासदस्य विन्दा अधिकारीले बताइन् ।

ग्यास उद्योगले बजारमा ल्याएको पुरानो सिलिण्डर किनेर लगेलगत्तै विस्फोट भएकाले क्षतिपूर्ति उपलब्ध गराउन घरधनी तिमल्सिनाले माग गरेका छन् ।

मानिस घर बाहिर भएकाबेला विस्फोट भएकाले मानवीय क्षति नभए पनि अन्नपात, लत्ताकपडा तथा साबै सामग्री नष्ट भएको वडाध्यक्ष प्रेम तामाङले बताए ।

गाउँमा हालै लगिएका सबै ग्यास सिलिण्डर जाँच गर्न र पुराना सिलिण्डर फिर्ताका लागि आह्वान गर्न लागिएको तामाङको भनाइ छ । रासस

 

 

Comments

प्रकाशित मिति : 2017-12-22

अरु समाचार

© NewsNepal 2018 - All Right Reserved.
newsnepal.com 2017.hlon.org