ओसामा बिन लादेनका १२ वर्षीय नाति मारिए

विश्व प्रवास

एजेन्सी, १७ पुस । चरमपन्थी संगठन अल-कायदाका एक जिहादी समर्थकले ओसामा बिन लादेनका १२ वर्षीय नाति ओसामा हमजा बिन लादेनको हत्या भएको समाचार सार्वजनिक गरेका छन् । अल कायदाको समर्थनमा रहेको एउटा अनलाइनमा यसबारेको पत्र पनि सार्वजनिक गरिएको छ । जसलाई ओसामा बिन लादेनका छोरा हमजा बिन लादेनले लेखेको बताइएको छ ।

एक हाई-प्रोफाइल अनलाइन जिहादी अल वतिक बिल्लाहले ३१ डिसेम्बरमा म्यासेजिङ एप टेलिग्राममा ओसामा बिन लादेनका नातिको मृत्युको खबर दिएका थिए । त्यसपछि हाई प्रोफाइल अल कायदा इनसाइडर सायबत अल हुकमा समेत कयौँ अन्य प्रमुख अल कायदा समर्थकले पनि यो समाचारलाई सेयर गरेका छन् ।

अल बतिकले ओसामा बिन लादेनका नातिको हत्या कसरी र कहाँ भयो भन्ने कुनै जानकारी दिएका छैनन् । तर अर्का अल कायदा समर्थक अबु खल्लाद अल मुहनदिसले यी बालकको हत्या रमजानको महिनामा भएको बताएका छन् । जुन मिति २६ मे देखि २४ जुनसम्म पर्छ ।

अबु खल्लाद अल मुहनदिसले यी बालककी आमा र परिवारलाई लेखेको पत्र सार्वजनिक गर्दै जसलाई हमजा बिन लादेनले लेखेको बताएका छन् । यस पत्रमा हमजा बिन लादेनले बताए अनुसार यी बालकले सदैव एक सहिद जस्तै मर्न चाहेका थिए । उनी सन् २०११ मा ओसामा बिन लादेनको मृत्युपछि धेरै दुःखी थिए ।

हमजा बिन लादेनले आफ्ना भतिजासँगै ओसामा बिन लादेन, ओसामा हमजा बिन लादेन र आफ्ना भाइको हत्याको बदला लिनका लागि जेहाद छेड्न अपिल गरेका छन् । अल वतिक लामो समयदेखि एक अनलाइन जेहादी हो जसले अल कायदासँग जोडिएका जानकारी दिने गरेको छ । यो अनलाइनले दिने जानकारीलाई आधिकारिक पनि मानिन्छ ।

Comments

प्रकाशित मिति : 2018-01-01

ओसामा बिन लादेनका १२ वर्षीय नाति मारिए

Comments

अरु समाचार