तोकियो नयाँ मर्यादाक्रम, पूर्वराष्ट्रपतिभन्दा प्रदेशप्रमुख माथि, हेर्नुहोस् अन्यको स्थान (सूचिसहित)

प्रदेश

काठमाडौं, १६ माघ । सरकारले विशिष्ट व्यक्तिदेखि स्थानीय तहका पदाधिकारीसम्मको नयाँ मर्यादाक्रम तोकेको छ । प्रधानमन्त्रीको सरकारी निवास बालुवाटारमा सोमबार साँझ बसेको मन्त्रिपरिषद्को बैठकले राष्ट्रपति, उपराष्ट्रपति, प्रधानमन्त्री, प्रधानन्यायाधीश र सभामुखदेखि स्थानीय तहका सबै पदाधिकारीको नयाँ मर्यादाक्रम तोकेको हो।

यसअघि बनाइएको मर्यादाक्रममा स्थानीय तहका अधिकारीहरुले असन्तुष्टि जनाएपछि सरकारले नयाँ मर्यादाक्रम तोकेको हो । नयाँ मर्यादाक्रमअनुसार प्रदेश प्रमुख पूर्वराष्ट्रपति तथा उपप्रधानमन्त्रीभन्दा माथि छन्। प्रदुेश प्रमुखलाई ६ नम्बरमा राखिएको छ। त्यस्तै प्रदेशका मुख्यमन्त्री र केन्द्रीय मन्त्रीको मर्यादा एउटै हुने भएको गृह मन्त्रालयका सहसचिव हरिशरण पुडासैनीले जानकारी दिए ।

यस्तो उच्च पदहरुको मर्यादाक्रम
१.राष्ट्रपति
२.उपराष्ट्रपति
३.प्रधानमन्त्री
४.प्रधानन्यायधीश
५.व्यवस्थापिक संसदको सभामुख
६.प्रदेश प्रमुख
७.पूर्व राष्ट्रपति, उपप्रधानमन्त्री
८.संघीय मन्त्री, प्रदेश मुख्यमन्त्री, ब्यवस्थापिका संसदका विपक्षी दलका नेता, पूर्व उपराष्ट्रपति, पूर्व प्रधानमन्त्री, पूर्व प्रधानन्यायाधीस, ब्यवस्थापिका संसदका उपसभामुख, संविधानसभाका उपाध्यक्ष, पूर्वसभामुख
९.राज्यमन्त्री, प्रदेश सभामुख, संविधानसभार व्यवस्थापिका संसदका विभिन्न समितिका सभापति र अध्यक्ष
१०. राष्ट्रिय योजना आयोगका उपाध्यक्ष, प्रज्ञा प्रतिष्ठानका कुलपतिहरु
११. सर्वोच्च अदालतका न्यायाधीस, न्यायपरिषदका सदस्य