ताजा समाचार

माओवादीसँग पार्टी एकताबारे निर्णय गर्न ओलीले एमालेको आकस्मिक बैठक बोलाए

प्रदेश
-
       

काठमाडौं, २ फागुन । नेकपा एमाले अध्यक्ष केपी शर्मा ओलीले आकस्मिक रुपमा स्थायी कमिटी बैठब बोलाएका छन् । माओवादीसँग पार्टी एकताको निर्णय गर्न ओलीले आकस्मिक रुपमा स्थायी कमिटी बैठक बोलाएका हुन् ।

पार्टी एकता संयोजन समितिको बैठक बस्नुअघि स्थायी कमिटीमा छलफल गर्न नेताहरुलाई बोलाइएको हो । बैठकमा सहभागी हुन नेताहरु मानभवनतिर लागेका छन् । मानभवनस्थित ठेकेदार शारदाप्रसाद अधिकारीको घरमा पछिल्लो समय ओली र प्रचण्डबीच वान टु वान छलफल भइरहेका छन् ।

माओवादी अध्यक्ष प्रचण्ड निकट व्यवसायी अधिकारीकै घरमा एमालेको बैठक बस्न लागेको हो । संयोजन समितिको बैठक पनि सोही ठाउँमा बस्ने भएकाले एमालेको बैठकका लागि नेताहरुलाई सोही ठाउँमा बोलाइएको स्रोतले जनाएको छ ।

Comments

प्रकाशित मिति : 2018-02-14

अरु समाचार

© NewsNepal 2018 - All Right Reserved.
newsnepal.com 2017.hlon.org