नासाले तराईका शीतलहर पीडितलाई ६३० कम्बल बाडँयो

विश्व प्रवास

न्यूयोर्क १५ फागुन । गत महिना आएको पूर्वी तराईका शीतलहर पीडितहरूलार्इ नासाले ६३० वटा कम्बल बितरण गरेको नासाका सांस्कृतिक फाँटका प्रमुख बिशाल भारतीले जनाएको छ । गत महिना आएको शीत लहरका बेला अमेरिकाका दक्षिण पूर्व १५ वटा राज्यहरुमा नेपालीहरुको प्रतिनिधित्व गर्ने साझा संस्था नासाले शीतलहर पीडितहरुलाई कम्बल वितरण गरेका हुन् ।

प्रभावित जिल्ला रौतहटबाट सुरु भएको न्यानो कम्बल वितरण गर्ने कार्यक्रम पर्सा,सुनसरी हुँदै पूर्व झापाका ६३० जना अशक्त, असहाय ,अपाङ्ग र बृद्ध घर परिवारमा वितरण गरिएको बिशाल भारतीले बताएको छ । दैनिक जसो शीतलहरले बालबालिका र बृद्ध व्यक्तिहरु प्रभावित भएपछि नाशाले सुरुमा १०० वटा कम्बल बाढ्ने उद्धेश्यको साथ अभियान संचालन गरेको थियो । तर, सबै नेपालीको सहयोगले २ हप्तामा नै ६३० वटा कम्बल बाढ्न सफल भएको छ ।

यसअघि पनि नासा सांस्कृतिक फाँटका प्रमुख भारती कै पहलमा कलाकार दिपक छेत्रीलाई उपचारको निम्ति पहिलो फेसबुक फन्ड रेजिंग कार्यक्रम गरी २ लाख सहयोग गरेका थिए ।त्यस्तै गरी पप सम्राट ओम बिक्रम बिस्टको उपाचारको लागि रु २ लाख ६० हजार समेत प्रदान गरेको थियो । त्यस्तै गरेर पूर्वी नेपालमा बाढीले ब्यापक क्षति पु¥याउँदा १ हजार १३ घर परिवारलाई ७ लाख बराबरको राहत र ७ जना मृतकका परिवारलाई ५ हजारको दरले सहयोग गरेको थियो ।

Comments

प्रकाशित मिति : 2018-02-27

नासाले तराईका शीतलहर पीडितलाई ६३० कम्बल बाडँयो

Comments

अरु समाचार