कम्युनिस्ट सरकारको नीति तथा कार्यक्रम प्रधानमन्त्रीले राराबाट गरेको सम्बोधनका आधारमा केन्द्रित रहने

राजनीति

काठमाडौं,७ जेष्ठ । कम्युनिस्ट सरकारको नीति तथा कार्यक्रम प्रधानमन्त्री केपी शर्मा ओलीले नयाँ वर्षको दिन राराबाट गरेको सम्बोधनका आधारमा केन्द्रित रहेर तयार पारिने भएको छ ।

आज राष्ट्रपति विद्यादेवी भण्डारीले संघीय संसदको संयुक्त वैठकमा वाचन गर्ने नीति तथा कार्यक्रममा कम्युनिस्ट पार्टीको सरकारले गर्ने कामहरुको क्यालेन्डरसहित सम्बृद्धिका योजना समेटिएको छ ।

कम्युनिस्ट सरकारको नीति तथा कार्यक्रममा सामाजिक सुरक्षाका योजनाहरुलाई जोड दिइएको छ । वृद्ध, अशक्त, बालवालिका, गरिवीको रेखामुनी रहेका र सिमान्तकृत समुदायलाई लक्षित गरेर नयाँ कार्यक्रम समावेश गरिएको छ ।

तेस्तै गरि, उर्जाको विकास, रेलमार्ग र जलमार्ग सहितको आयोजनाहरुका विस्तृत कार्यक्रम समेटिएका छन् भने सामाजिक न्याय सहितको विकास गर्ने योजनाहरु नीति कार्यक्रममा समावेश गरिएका छन् ।

प्राबिधिक शिक्षालाई ७० प्रतिशतमा पुर्‍याउने, साधारण शिक्षालाई ३० प्रतिशतमा झार्ने लक्ष्य नीति तथा कार्यक्रममा समेटिएको छ । तीब्र गतिको विकासलाई सरकारको नीति तथा कार्यक्रमले विशेष महत्व दिएको छ ।

आर्थिक अवस्था कमजोर भएर पढ्न नपाएका अथवा पढाइ छाड्नु पर्ने अवस्था भएका बालबालिकाका लागि विशेष प्याकेज कार्यक्रम ल्याउने स्रोतले जनाएको छ। विदेशी लगानीसँग हातेमालो गर्ने, लगानी मैत्री वातावरण बनाउने, अनावश्यक प्रशासनिक झन्झट हटाउने सरकारको नीति तथा कार्यक्रममा मा रहेको छ ।