ढुङ्गेलको मुद्दा भोलीलाई हेर्दाहेर्दै

गतिविधि

काठमाडौँ १३, जेष्ठ । कर्तव्य ज्यान मुद्दामा सजाय भोगिरहेका तत्कालिन माआेवादी नेता बालकृष्ण ढुङ्गेललाई कैद सजाय मिनाहा गर्न लागेको भन्दै सर्वोच्च अदालतमा परेको रिटको सुनुवाई भोलीका लागि तोकिएको छ ।

न्यायधिस मीरा खड्का र टंकबहादुर मोक्तानको संयुक्त इजलासले ढुंगेलको मुद्दा हेर्दाहेर्दैको स्थितीमा राखेका छन् ।

सर्वोच्च अदालताका प्रवक्ता भद्रकाली पोखरेलका अनुसार मुद्दालाई भोलीका लागि तोकिएको हो ।

अधिवक्ता दिनेश त्रिपाठीले सर्वोच्च अदालतमा ढुङ्गेलका विरुद्द सजायमा भारी छुट दिएर कैदमुक्त गर्न लागेकोभन्दै रिट दायर गरेका थिए ।

रिटको गत शुक्रबार समेत प्रारम्भिक सुनुवाई भएको थियो ।

सरकारले ढुङ्गेल लगायत अन्य कैदि बन्दीलाई गणतन्त्र दिवसको अवसरमा सजाय मिनाहका लागि भन्दै राष्ट्रपति कहाँ सिफारिस गरेको छ । राष्ट्रपतिले अनुमोदन गरे पश्चात उनी लगायत अन्य कैदिलाई सजाय छुट मिनाह हुने हुन्छ ।

गत २०६१ मा जिल्ला अदालत ओखलढुंगाले उज्जन श्रेष्ठको हत्यामा ढुंगेललाई कर्तव्य ज्यान मुद्दामा दोषी ठहर गर्दै ढुङ्गेललाई सर्वस्वसहित जन्मकैद सजाय सुनाएको थियो ।

सम्बन्धित समाचार:

बालकृष्ण ढुङ्गेलबारे सर्वोच्चमा आज फैसला हुदै, के गर्ला त सर्वोच्चले ?