सातै प्रदेशमा बजेट आज, कस्तो छ तयारी हेर्नुहोस्

अर्थ र बाणिज्य

काठमाडाैं १, असार । देशका ७ वटै प्रदेश सरकारले आज अागामी आर्थिक वर्ष २०७५/७६ को बजेट प्रस्तुत गर्दैछन् ।

प्रदेश १ को विराटनगर, २ को जनकपुर, ३ को हेटौँडा, ४ को पोखरा, ५ को बुटवल, ६ को वीरेन्द्रनगर र प्रदेश ७ को धनगढीमा बस्ने फरक फरक प्रदेशसभा बैठकमा सम्बन्धित प्रदेशका आर्थिक मामिला मन्त्रीले आयव्ययको विवरण सार्वजनिक गर्ने तयारी गरेका हुन् । सातै प्रदेशको बजेट जोड्दा २ खर्ब ८ अर्ब रुपैयाँ हुन्छ।

यसअघि जेठ १५ गते सार्वजनिक भएको संघीय बजेटमार्फत् प्रदेश समानीकरण (निःशर्त र सशर्त) बजेट पाएका थिए।

कति बजेट ल्याउने तयारीमा छ त प्रदेश सरकार ?

प्रदेश १ मा ३५ अर्ब रुपैयाँ बराबरको बजेटको तयारी भएको छ।

प्रदेश २ ले ३० अर्ब हाराहारीमा बजेट तय गरेको छ।

प्रदेश ३ ले ४० अर्ब रुपैयाँको बजेट तयारी गरेको छ।

प्रदेश ४ ले २६ अर्ब बराबरको बजेटको तयारी गरेको छ।

प्रदेश ५ ले ३० अर्ब रुपैयाँको बजेट तयारी गरेको छ।

प्रदेश ६ ले २३ अर्ब रुपैयाँको बजेट तयारी गरेको छ।

प्रदेश ७ ले २४ अर्ब रुपैयाँ बजेटको तयारी गरेको छ।

स्थानीय तहले भने असार १० गतेभित्र बजेट पेस गरिसक्नुपर्ने कानुनी व्यवस्था छ।