ताजा समाचार

को बन्ला कानुन मन्त्री, यस्तो छ ने क पामा संभावित मन्त्रीको सुचि

राजनीति
-
       

काठमाडौँ ९, साउन । बंगलादेशमा अध्ययनका लागि गएका छात्राहरुले सर्टिफिकेट पाउन शरीर सुम्पनुपर्ने बताएपछि शेरबहादुर तामाङले मन्त्री पदबाट हात धुनु पर्यो ।

कानुन, न्याय तथा संसदीय मामिला मन्त्री तामाङले राजीनामा बुझाएपछि रिक्त कानुन मन्त्रालयको जिम्मेवारी कसले पाउला भनेर नेपाल कम्युनिस्ट पार्टी (ने क पा) भित्र तरङ्ग पैदा भएको छ ।

रिक्त मन्त्री पदमा मोरङ–३ बाट निर्वाचित भानुभक्त ढकाल र चितवन– २ बाट निर्वाचित कृष्णभक्त पोखरेलको नाम चर्चामा रहेको ने क पा उच्च स्रोतले न्युज-नेपालई जानकारी दिएको छ । तथापि शेरबहादुर तामाङले आजमात्रै राजीनामा बुझाएकाले आजै नयाँ मन्त्री नियुक्त हुने सम्भावना भने नरहेको सचिवालयको भनाइ छ ।

यसअघि तत्कालीन एमालेका प्रमुख सचेतक रहेका ढकाल ओली निकट मानिन्छन् । त्यस्तै पोखरेल यसअघिको व्यवस्थापिका संसद्को विधान समितिका सदस्य थिए ।

Comments

प्रकाशित मिति : 2018-07-25

अरु समाचार

© NewsNepal 2018 - All Right Reserved.
newsnepal.com 2017.hlon.org