प्रधानमन्त्री ओलीसँग लोकतन्त्रको सर्टिफिकेट माग्ने को ?

राजनीति

काठमाडाैं १२,भदाै । प्रधानमन्त्री केपी शर्मा आेलीले लोकतन्त्र कसैले किस्तीमा हालेर दिएको भिक्षा नभई संगर्ष गरेर लडेर प्राप्त गरेको उपलब्धि भएको जनाएका छन् ।

मंगलबार प्रतिनिधिसभा बैठकलाई सम्बोधन गर्दै ओलीले विपक्षी दलले सरकारलाई सर्वसत्तावाद लाद्न खोजेको भन्दै अधिनायकवाद र तानाशाहीको संज्ञा दिँदै गलत प्रचार गरेको भन्दै आपत्ति जनाए ।

‘यो लोकतन्त्र कसैले हामीलाई किस्तीमा हालेर दिएको होइन । दशाकौं संघर्ष गरेर हामीले नै हासिल गरेका हौं’, ओलीले भने, ‘तानाशाही दिनहरुमा सँगै जेल जिवन बिताएका साथीहरुले नै सरकारसँग लोकतन्त्रको सर्टिफिकेट मागेको देख्दा म छक्क पर्छु ।’

‘तानाशाही व्यवस्थाको कालकोठरीमा सँगसँगै दिन बिताएका साथीहरुले मात्रै होइन, पञ्चायत गएपछि स्कुल भर्ना हुनेहरुले पनि मेरो पार्टीको नेतृत्वमा रहेको सरकारसँग लोकतन्त्रको सर्टिफिकेट मागेको देख्दा छक्क पर्छु कहिलेहकहिले, मैले हाम्रो लोकतन्त्रलाई अराजकता र गन्जागोलमा होइन् थितिमा चलाउँ भन्दा अधिनायकवादी भन्नेले लि क्वान युले सानो मुलुक कसरी समृद्ध बनाए सिक प्रधानमन्त्री सिक भन्दै भाषण गरेको सुन्छु ।’

‘म स्पष्ट गर्न चाहन्छु, मेरो सारा जिन्दगी लोतन्त्रकै लागि समर्पण गरेको हुनाले यसप्रति अलिबढी मोह र स्नेह र आशक्ति पनि हुुन सक्छ, किनभने मेरो जिन्दगी त्यसैमा बितेको छ’, ओलीले भने, ‘त्यसैले विकासका लागि म लि क्वान यु जति कठोर बन्न सक्दिनँ ।’ आेलीले भने।

कतिले लि क्वान युले सिंगापुरलाई विकास गरेर उदाहरण प्रस्तुत गर्ने गरेको भएपनि आफू लोकतन्त्रप्रति विस्वास राख्ने व्यक्ति भएकाले लि क्वान जस्तो बन्न नसक्ने बताए ।

लि क्वान यु सिंगापुरका पहिलो प्रधानमन्त्री हुन् जसले तीन दशकसम्म सिंगापुरमा एकछत्र शासन गरेर सिंगापुरलाई समृद्ध मुलुक बनाएका थिए ।