आज बाजि मार्ने दाउमा नेपाल,युएईविरूद्ध नेपालले टस जितेर फिल्डिङ रोज्यो

खेलकुद

काठमाडाैं १४,भदाै । मलेसियामा जारी एसीसी एशिया कप छनोट क्रिकेटमा नेपालले आज आज युएईसँग प्रतिस्पर्धा गर्दैछ।

मलेसियाको किनरारा एकेडेमी ओभल मैदानमा टस जितेको नेपालले पहिले युएईलाई ब्याटिङको निम्तो दिएको छ। सवा सात बजेदेखि सुरू हुने खेलमा नेपालले जितको खोजी गर्नेछ।

पहिलो खेलमा सिंगापुरमाथि फराकिलो जित निकालेको युएईसँग पहिलो खेलमा ओमानसँग ७ विकेटले पराजित भएको नेपाल दवावमा छ ।

एसिया कपको छनोटलाई जिवीतै राख्न आज युएईलाई हराउनै पर्ने बाध्यता नेपाललाई छ। तर, युएईविरुद्ध नेपाललाई जित निकाल्न सहज हुनेछैन । पहिलो खेलमा सिंगापुरलाई २१५ रनले हराएको युएई उच्च मनोबलका साथ मैदान उत्रनेछ । यस्तै युएईका खेलाडीको उच्च लय नेपालको लागि घातक बन्न सक्छ ।

टस जितेपछि नेपाली कप्तान पारस खड्का र युएईका समकक्षी रोहन मुस्ताफा। तस्बिरः एसिसि

ओमानबिरुद्ध नेपालको मध्यक्रमले उत्कृष्ट ब्याटिङ गरेको थियो। जहाँ सागर पुनको ८३ रनको इनिङ उल्लेखनीय रह्यो। एक वर्षपछि राष्ट्रिय टोलीमा फर्किएका सागरले पहिलो खेलमै शानदार प्रदर्शन गरेका हुन्। उनीबाहेक ज्ञानेन्द्र मल्ल र आरिफ शेखले पनि उत्कृष्ट खेले।

तर, हिजोको खेलमा नेपालको बलिङ प्रदर्शन सन्तोषजनक रहेन। नेपालको बलियो पक्ष मानिएको बलिङ नै लडखडाएपछि नेपालले सुरुआती हार व्यहोर्नुपरेको हो।

आजको खेलमा ब्याटिङ र बलिङको सन्तुलन मिलाउनु आवश्यक छ।

युएई नेपालका लागि चिर परिचित प्रतिद्वन्द्वी हो। पछिल्लो २० वर्षयता नेपाल र युएई १४ पटक आमने सामने भएका छन्।

जसमा १० पटक नेपाल पराजित भएको छ। ३ खेलमा मात्र विजयी हुँदा एक खेल बराबर भएको थियो। तर, नेपाल आज युएईविरुद्धको हारको यात्रा टुंग्याउन चाहन्छ।

यस्तै नेपाल र युएईबीचको खेल एकदिवसीय अन्तर्राष्ट्रिय मान्यतासहित हुनेछ।

नेपाल र युएईले आईसिसीको एकदिवसीय राष्ट्रको मान्यता पाएकाले दुई टोलीबीचको खेल एकदिवसीय मान्यता प्राप्त हुनेछ।

यस्तो छ नेपाल भर्सेस युएई

खेलः १४