चितवनसम्म पाइपलाइन विस्तार गर्न भारत र नेपालबीच सहमती

अर्थ र बाणिज्य

काठमाडाैँ १२,असोज । नेपाल र भारतबीच नेपालको चितवनसम्म ग्यास पाइपलाइन निर्माण गर्नेसम्बन्धी महत्वपूर्ण सहमति भएको छ। शुक्रवार काठमाडौंमा बसेको दुई देशबीचको ‘जोइन्ट वर्किङ ग्रुप’ को बैठकले चितवनसम्म पेट्रोलियम पाइपलाइनसमेत विस्तार गर्ने प्रारम्भिक सहमतिसमेत गरेको छ।

भारतीय पेट्रोलियम तथा प्राकृतिक ग्यास मन्त्री धर्मेन्द्र प्रधान र नेपालका उद्योग बाणिज्य तथा आपूर्ति मन्त्री मात्रिकाप्रसाद यादवबीचको बैठकले उक्त सहमति गरेको हो। त्यस्तै, नेपालमा प्राकृतिक ग्यासको पाइपलाइन विस्तार गर्ने सम्बन्धमा पनि दुई पक्षबीच सहमति जुटेको छ।

ग्यास पाइपलाइनका सम्बन्धमा भएको यो पहिलो सहमति हो भने पेट्रोलियम पाइपलाइनका सम्बन्धमा हाल अमलेखगञ्जसम्म निर्माणाधीन पाइपलाईनलाई चितवनसम्म ल्याउने सहमति जुटेको हो। प्राकृतिक ग्यासको सम्बन्धमा पनि हाल भारतको गोरखपुरमा यस्तो प्लान्ट छ। त्यस्तो पाइपलाइन भैरहवासम्म ल्याउनेसहमति भएको हो।

यसका लागत लगायतका विषयमा भने कुनै सहमति भएको छैन।