प्रहरी प्रमुख खनालको बर्खास्तीको माग राख्दै, सत्तारुढ दलका विद्यार्थी संगठनले गृह मन्त्रीलाई ज्ञापन-पत्र

राजनीति

काठमाडाैँ १८,असोज । सत्तारुढ दल नेकपा निकटको विद्यार्थी संगठन अनेरास्ववियूले प्रहरी महानिरीक्षक सर्वेन्द्र खनाललाई बर्खास्तीको माग गर्दै गृहमन्त्रीलाई ज्ञापनपत्र बुझाउने भएको छ ।

पछिल्लो समय हत्या, हिंसा, बलात्कारको घटनामा वृद्धि भएपनि प्रहरी प्रशासन अपराधी पक्राउ तथा घटनाबारे गम्भीर नरहेकोले गृहमन्त्री रामबहादुर थापा बादललाई ज्ञापनपत्र बुझाउन लागिएको अनेरास्ववियूका नेता आरसी लामिछानेले बताए ।

‘बलात्कार, हिंसा, हत्या र एसिड आक्रमण जस्ता अपराध बढीरहेको छ । प्रहरी प्रशासन घटनामा संलग्नहरुलाई कारवाही गर्न चुकिरहेको छ,’ लामिछानेले भने,‘यसको नैतिक जिम्मेवारी प्रहरी प्रमुख खनालले लिनुपर्छ उनी पदमा बसिरहने कुरा उपयुक्त छैन ।’

बिहान साढे ११ बजे गृहमन्त्रीलाई भेटेर प्रहरी प्रमुखको बर्खास्तीको माग सहितको ज्ञापनपत्र बुझाउने तयारी रहेको लामिछानेले बताए ।

कञ्चनपुरकी बालिका निर्मला पन्तको हत्यारा खोज्न नसकेको एसिड आक्रमण, बलात्कारका घटनामा बृद्धि भएको शान्ति सुरक्षा कायम गर्न नसकेको भन्दै प्रहरी प्रशासनको आलोचना भइरहेको छ ।

ज्ञापन-पत्र