घरमा आगो लाग्दा तीन बालबालिकाको मृत्यु

समाज

दाङ । दाङमा भएको आगलागीमा परि तीन जना बालबालिकाको मृत्यु भएको छ। बंगलाचुली गाउँपालिका वडा नं। ८ गुराँसे निवासी नवराज पुनको घरमा आगो लाग्दा उनका ७ बर्षीय छोरा कृष्णबहादुर पुन, ५ बर्षीया छोरी अस्मिता पुन र २ वर्ष ६ महिनाकी छोरी अन्जु पुनको जलेर मृत्यु भएको प्रहरीले जानकारी दिएको छ ।

आगलागीबाट घरमा रहेका ७ वटा बाख्रा र ४ वटा गाई समेत जलेर मरेका छन् । दाङ जिल्ला प्रहरी प्रवक्ता एवम् डिएसपी रामप्रशाद घर्तीले पुनकी श्रीमती जीवना पुन १ बर्ष ४ महिनाको छोरा विरामी भएको हुँदा झारफुक गराउन भनि गाउँमा जाँदा अन्य तीन छोरा छोरीलाई घरमा एक्लै सुताएर गएको समयमा आगलागी भएको जानकारी दिए।

पुनको ४ कोठाको २ तल्ले फूसको छानोयुक्त कच्ची घरमा सोलारको व्याट्री पड्किएर उक्त आगलागी भएको प्रहरीले बताएको छ। बिहीबार साँझ ६ बजेतिर घरमा आगो लागेको थियो।

प्रहरी चौकी हाँसिपुरबाट गएको प्रहरी र स्थानीयको सहयोगमा रातको १२ बजेतिर मात्रै घरको आगो नियन्त्रणमा आएको प्रहरीले जानकारी दिएको छ। घर मुली नवराज पुन भने घरमा नरहेको प्रहरीले जानकारी दिएको छ।

Comments

प्रकाशित मिति : 2018-12-14

घरमा आगो लाग्दा तीन बालबालिकाको मृत्यु

Comments

अरु समाचार