ताजा समाचार

मकवानपुरमा अन्धाधुन्ध बञ्चरो प्रहारबाट एक महिलाको मृत्यु, दुई घाइते

अपराध
- न्युज-नेपाल
       

हेटौंडा । अन्धाधुन्ध बञ्चरो प्रहारबाट एक महिलाको मृत्यु भएको छ ।

आपसी झगडाका कारण बकैया गाउँपालिका–३, जलजलेका सुकबहादुर पाख्रिनले अन्धाधुन्ध बञ्चरो प्रहार गरेर सन्तमाया लोको ज्यान लिएका हुन् भने, ती महिलाका श्रीमान् र अर्का एक व्यक्ति घाइते भएका छन् ।

पाख्रिनले सन्तमायासँगै उनका श्रीमान् कुलबहादुर र स्थानीय २६ वर्षीया दिवीमाया मोक्तानलाई पनि बञ्चरो प्रहार गरेका छन् । बञ्चरो प्रहारबाट दुवैको टाउको र निधारमा चोट लागेको र चुरेहिलमा उपचार भइरहेको प्रहरीले जनाएको छ ।

जिल्ला प्रहरी कार्यालय मकवानपुरले पाख्रिनलाई पक्राउ गरेर थप अनुसन्धान गरिरहेको जनाएको छ । उनी हतियारसहित पक्राउ परेका थिए ।

Comments

प्रकाशित मिति : 2019-10-17

अरु समाचार

© NewsNepal 2018 - All Right Reserved.
newsnepal.com 2017.hlon.org