ताजा समाचार

गण्डकी प्रदेशका मुख्यमन्त्री गुरुङले आज विश्वासको मत लिने

गण्डकी प्रदेश
- न्युज नेपाल
       

पोखरा । गण्डकी प्रदेशका मुख्यमन्त्री पृथ्वीसुब्बा गुरुङले आज प्रदेशसभामा विश्वासको मत लिँदैछन् । संविधानको धारा १६८ (३) अनुसार उनी ठूलो दलको हैसियतका आधारमा गत वैसाख २९ गते मुख्यमन्त्री नियुक्त भएका थिए ।

सोही नियुक्तिका आधारमा उपधारा ४ अनुसार ३० दिनभित्र विश्वासको मत लिनुपर्ने संवैधानिक प्रावधान छ ।

आज दिउँसो १२ बजेलाई प्रदेशसभा बैठक बोलाइएको छ । कार्यसूची मुख्यमन्त्रीले विश्वासको मत लिने मात्र रहेको सचिवालय सचिव हरिराज पोखरेलले जानकारी दिए ।

अल्पमतमा परेका मुख्यमन्त्री गुरुङले विश्वासको मत पाउने सम्भावना कम देखिएको छ ।

विश्वासको मत नपाए उपधारा ५ अनुसार प्रदेश प्रमुखले नयाँ सरकार गठनको लागि आह्वान गर्नेछिन् ।

बजेट ल्याउने समय आइसक्दासमेत गण्डकीमा राजनीतिक किचलोका कारण नीति तथा कार्यक्रमसमेत आउन सकेको छैन ।

Comments

प्रकाशित मिति : 2021-06-10

अरु समाचार

© NewsNepal 2018 - All Right Reserved.
newsnepal.com 2017.hlon.org