नेपाल-मरिसस मैत्रीपूर्ण खेलले दुई देशबीचको सम्वन्ध र पर्यटन प्रवर्द्धनमा नयाँ उचाइ प्रदान गर्‍यो: महावाणिज्यदूत कार्की

खेलकुद

- न्युज नेपाल

काठमाडौं । नेपाल–मौरिसस विजनेस काउन्सिलले नेपालसंग मैत्रीपूर्ण फुटबल खेल्न आएको मौरिससको राष्ट्रिय फुटबललाई टोलीलाई नेपालका लागी मरिससका अवैतानिक महावाणिज्यदुत गणेश कार्कीको प्रमुख आथ्यित्यतामा रात्री भोजको आयोजना गरेको छ ।

`खेलकुदले दुई देशको सम्वन्ध विकास गर्नुका साथै पर्यटनको विकासका साथै भाईचारा सम्बन्ध विकास गर्ने गरेर सन्देश प्रबाह गरेको छ´, रात्रीभोज कार्यक्रममा बोल्दै महावाणिज्यदूत कार्कीले भने , `स्वास्थ्य सुरक्षाका मापदण्ड पालना गरेर हामी अव खेलकुद माध्ययमले पर्यटन लगाएका क्षेत्र चलाएमान गराउन सक्छौँ भन्ने बिश्वास पनि लिएका छौं । मैत्रीपूर्ण प्रतियोगिता आयोजना गरेर नेपाल र माैरिससबीच मैत्रीपूर्ण सम्वन्ध कायम गर्नुका साथै खेलकुदका साथै खेल पर्यटन विकासमा महत्वपूर्ण भूमिका निर्वाह गर्नु भएकोमा अखिल नेपाल फुटबल संघ तथा अध्यक्ष कर्मा छिरिङ शेर्पाप्रति पनि आभार प्रकट गर्छु ।´मौरिससको राष्ट्रिय टोलीका सदस्यलाई महावाणिज्यदूत कार्कीले मायाको चिनो प्रदान गरे ।

यस्तै, नेपाल–मौरिसस विजनेस काउन्सिलका अध्यक्ष बटु लामिछानेले मैत्रीपूर्ण खेलमा विजेता टोली नेपालललाई बधाई ज्ञाप्न गर्दै मौरिससको टोलीले राम्रो खेल प्रदर्शन गरेको भन्दै धन्यवाद व्यक्त गरे ।

अध्यक्ष लामिछानेले खेलकुदको माध्ययमबाट पर्यटन प्रबर्द्धन र दुई देशबिचको ब्यापार प्रबर्द्धनका लागी समेत यो भेटघाट महत्वपुर्ण भएको बताए ।

कार्यक्रममा सचिव युवराज कार्की, कोषाध्यक्ष रजनी थापा लगाएत उपस्थित रहेका थिए ।