विद्यार्थीको पहिलो रोजाइमा विराटनगरको एभरेष्ट कलेज

कोशी प्रदेश

- न्युज नेपाल

काठमाडाैं । अत्याधुनिक प्रविधिबाट अध्यापन गराउदै आएको विराटनगरको एभरेष्ट कलेज विद्यार्थीको पहिलो रोजाई बन्दै गएको छ ।

ज्ञान, सीप, प्रविधि र संस्कारलाई व्यवहारमा उतार्दै अध्यापन गराउदै आएको एभरेष्ट कलेज आम विद्यार्थी र अभिभावकको पहिलो रोजाइको कलेज बन्न सफल भएको छ ।

एजुकेशन फाउण्डसेन मातहतमा सञ्चालन भएको एभरेष्ट स्कुल मात्र नभएर कलेजपनि पहिलो रोजाई बन्न थालेको हो ।

तीन विगाह क्षेत्रफलमा अत्याधुनिक संरचनाले भरिपूर्ण एभरेष्ट कलेज शान्त तथा पर्यावरणीय हिसावले पनि अब्बल देखिन्छ । हरियाली तथा फुलबारी, परिसर भित्र रहेका फुटबल, भलिबल मैदान, बास्केटबल कोर्ट, कबर्डहल तथा अन्तर्राष्ट्रियस्तरको स्वीमिङपुलले नव आगन्तुक विद्यार्थी तथा अभिभावकलाई आकर्षित गर्ने गरेको विद्यालयले जनाएको छ ।

विद्यार्थीका रुचिअनुसारका जुनसुकै खेलकुदका गतिविधिमा सहभागि हुने वतावरण मात्र नभई नियमित प्रशिक्षकबाट प्रशिक्षणको व्यवस्था मिलाएको एभरेष्ट कलेजले शिक्षण सिकाईमा पनि नवीन प्रयोगहरु गर्दै आएको छ ।

विद्यार्थीलाई घोकाएर नभई बुझाएर अध्यापन गराउनुपर्छ भन्ने मान्यता राख्ने कलेजका प्रमुख टिकाराम पुरीले प्रविधिको यस युगमा विश्वस्तरीय जनशक्ति उत्पादन गर्न प्रविधिको अधिकतम प्रयोग गर्ने वातावरण बनाइएको बताए । हरेक कक्षाकोठामा प्रोजेक्टरको माध्यमबाट शिक्षण सिकाई गरिन्छ । यस्तै हरेक विषयवस्तुको अनिवार्य प्रयोगात्मक सिकाईलाई विशेष प्राथमिकता दिने गरेको छ ।

२०७२ सालबाट शुरु भएको कलेजले विज्ञान र व्यवस्थापन संकायको अध्ययापन गराउँदै आएको थियो । यस वर्षदेखि भने कानुन र होटल मेनेज्मेन्टसमेत अध्ययापन गराउने भएको छ ।

कलेजको प्रारम्भमा नै व्यवस्थापनसंकाय तर्फ पहिलो ब्याचका रुपमा सुनिधि केसी नेपाल प्रथम भएकी थिइन् । सोहि वर्ष विज्ञान संकाय तर्फ अनिश भण्डारी प्रदेश उत्कृष्ट भए ।
दोस्रो ब्याचमा पनि कलेजकी आगात पोखरेल प्रदेश प्रथम भएकी थिइन् ।

२०७५ सालमा देशभरकै संस्थागत विद्यालयबाट उत्कृष्ट दोस्रो हुँदै नेपाल सरकारबाट पुरस्कृत भएको एभरेष्ट कलेजलाई राष्ट्रिय शिक्षा दिवसको अवसरमा शिक्षा मन्त्रालयले प्रदान गर्ने पुरस्कार तात्कालिन प्रधानमन्त्री केपी शर्मा ओलीले हस्तान्तरण गरेका थिए ।

‘राज्यबाट नै नगद २ लाख, राष्ट्रिय ध्वँजा, शिल्ड र प्रमाणपत्रले सम्मानित भएपछि यसको गरिमा कायम राख्न हामीले कुनै कन्जुस्याईं राखेनौं’, पुरीले भने, ‘हामीले परम्परागत शिक्षण सिकाईलाई विस्थापित गर्दै नविनतम प्रयोगहरुलाई आत्मसाथ गर्दै अघि बढेका छौं ।’

अहिले एभरेष्टका सयौं विद्यार्थी, डाक्टर, इन्जिनियर, कानुनलगातयका क्षेत्रमा अब्बल भएको सुन्न पाउँदा अत्यन्तै खुसी लाग्ने उनले बताए ।