ब्राजलियन फरवार्ड नेइमार साउदि प्रो लिग क्लब अलहिलाल जाने

खेलकुद

२९ साउन, काठमाडौँ ।ब्राजलियन फरवार्ड नेइमार साउदि प्रो लिग क्लब अलहिलाल जाने भएका छन् । फ्रेञ्च क्लब पेरिस सेन्ट जर्मेनले उनलाई ९० मिलियन युरोमा अलहिलाललाई बेच्ने सम्झौता गरेको हो ।
लोकपृय खेलाडि नेइमारले फुटबल जगतमा आफ्नो छुट्टै इतिहास खडा गरेका छन्, हाल उनि ३१ वर्षका भए अब मेडिकल र अन्य कागजी प्रक्रिया पूरा गर्न बाँकी रहेको बिबिसीले जनाएको छ ।

उनि २०१७ मा विश्वकीर्तिमानी मुल्य २२२ मिलियन युरोमा पिएसजीमा अनुबन्ध भएका थिए । पछिल्लो समयमा मुख्य प्रशिक्षक लुइस एनरिकले उनलाई आफ्नो मुख्य टिममा अटाएका थिएनन् ।

केहि समय अघि अर्का फरवार्ड केलियन एमबाप्पे र क्लब बीच पनि असमझदारी देखिन्थ्यो , पछि एमबाप्पे र पिएसजी बीचको वार्ता सकारात्म भएपछि भने नेइमारको सम्झौताको खबर आएको हो ।
पोर्चुगलका सुपरस्टार क्रिस्टियानो रोनाल्डो गत जनवरीमा म्यानचेस्टर युनाइटेडबाट अलनासरमा आवद्ध भएपछि साउदीका क्लबले विश्वकै लोकपृय खेलाडिलाई अनुबन्धीत गरिसकेका छन्।

गत महिना साउदी क्लबले विश्व कीर्तिमानी २५९ मिलियन पाउन्डको प्रस्तावपछि पिएसजीले अलहिलाललाई एमबाप्पेसँग कुरा गर्न अनुमति दिएको थियो।

यो सिजनमा मात्रै करिम बेन्जेमा, एनुगोलो कान्टे, जोर्डन हेन्डरसन, रुबेन नेभ्स, साडियो माने र रोबर्टो फिरमिनोजस्ता खलाडी साउदी अरब गइसकेका छन् ।