मेसीको सानदार गोलका कारण इन्टर मियामीले पहिलो पटक लिग्स क्लबको उचाल्यो उपाधि

खेलकुद

काठमाण्डौं। अर्जेन्टिनी फरवार्ड लिओनल मेसीको सानदार गोलका कारण इन्टर मियामीले पहिलो पटक उपाधि उचालेको छ ।
आज बिहान भएको लिग्स कपको फाइनलमा नासतिल एससीलाई पेनाल्टी सुटआउटमा १०–९ गोल अन्तरले पराजित गर्दै उपाधि उचाल्न सफल भएको हो ।

निर्धारति ९० मिनेटको खेलमा दुवै तर्फबाट एकएक गोल बराबरि भएको थियो । खेलको २३ औ मिनेटमा मियामिका तर्फबाट मेसीले उत्कृष्ट गोल गरे पनि खेलको ५७ औं मिनेटमा नासतिल एससीका फाब्रिस पिकल्टले बराबरि गोल गरि खेललाई बराबरिको स्थीतिमा पुर्याएका थिए ।

निर्धारित समय ९० मिनेटमा खेल एकएकको बराबरीमा सकिएपछि खेल सीधै पेनाल्टीसुटआउटमा पुगेको थियो ।

पेनाल्टीसुटआउटमा दुवैतर्फबाट ११–११ पेनाल्टी प्रहार भएकोमा इन्टर मियामीका १० खेलाडीले गोल गरे ।

नासऐलका ९ खेलाडीले गोल गर्दा दुई खेलाडीले गोल गर्न सकेनन् ।

नासभिलका लागि अन्तिम पेनाल्टी प्रहार गरेका गोलकिपर एलिओट प्यानिक्कोले गोल गर्न सकेनन् भने इन्टर मियामीका गोलकिपर ड्राक क्यालेन्डरले विजयी पेनाल्टी प्रहार गरेका थिए । प्यानिक्कोका प्रहार बचाएपछि क्यालेन्डरले गोल गर्दै इन्टरलाई उपाधि दिलाउन भूमिका खेले ।

लगातार सात खेलमा गोल गरेका मेसी १० गोलसहित मेसी सर्वाधिक गोलकर्ता र प्लेअर अफ दि टुर्नामेन्ट बनेका छन्।

फाइनल खेल टेन्नेसेस्थित गोएडिस पार्कमा भएको थियो ।