पाल्पामा सुख्ख पहिरोले स्कार्पियो पुरिंदा ३ जनाको मृत्यु, आठजना घाइते

समाचार

- न्युज नेपाल

काठमाडौं । पाल्पामा सुख्खा पहिरोले स्कार्पियो पुरिंदा तीन जनाको घटनास्थलमै मृत्यु भएको छ । तम्घासबाट बुटवलका लागि छुटेको लु १ ज ४६०० नम्बरको स्कार्पियो जिप आज बिहान पाल्पाको जोर्तेमा ढुंगासहितको पहिरोले पुरिएर थियो ।

मृत्यु हुनेमा यमबहादुर बोहरा, अन्दाजी ५० वर्षीया मनकला चुदारा र रेत भुजेल रहेका छन् ।

दुर्घटनामा मृत्यु हुनेको सनाखत हुन नसकेको प्रहरीले बताएको छ ।

जिल्ला प्रहरी कार्यालय पाल्पाका सूचना अधिकारी वीरेन्द्र थापाका अनुसार दुर्घटनामा आठ जना घाइते भएका छन् । घाइतेलाई उद्धार गरी अस्पताल पठाएको बताउनु भएको छ ।स्थानीय र प्रहरीसहितको टोली उद्धारमा लागेका छन्।

दुर्घटनामा परी घाइते हुनेमा चालक बालकृष्ण श्रेष्ठ, अन्दाजी ३६ वर्षीया सुष्मा राना घर्ती, अन्दाजी ६ वर्षीया सुरबी घर्ती, ५ महिनाकी शिवा घर्ती, २७ वर्षीया स्कृति थापा, ५ वर्षीया सुष्मा थापा, शोभा घर्तीमगर र टेकबहादुर घर्तीमगर रहेका प्रहरीले जानकारी दिएको छ ।