एनआरएनए सचिवमा यूएईबाट मनोज कुमार श्रेष्ठको उम्मेदवारी घोषणा

विश्व प्रवास

- न्युज नेपाल

काठमाडौं । गैर आवासीय नेपाली संघ (एनआरएनए)२०२३–२५ को कार्यकालका लागि यूएईबाट मनोज कुमार श्रेष्ठ(गोर्खाली)ले सचिव पदमा उम्मेदवारी घोषणा गरेका छन् ।

१० वर्षदेखि खाडी मुलुकमा कार्यरत रहेको र आज पनि श्रमजिवी नेपालीहरुको साथ र सेवामा निरन्तर खटिरहेको तथा आगामी दिनहरुमा पनि खट्ने प्रतिबद्धताका साथ आफूले सचिव पदमा उम्मेदवारी घोषणा गरेको श्रेष्ठले बताए । उनले भने,आगामी १७ अक्टोबरदेखि सुरु हुन लागेको ११ औं महाधिवेशनमा सचिव पदमा उम्मेदवारी दिने घोषणा गर्न पाउँदा म असाध्यै हर्षित रहेको र विश्वभर छरिएर रहेका नेपालीको साझा संस्था एनआरएनएको यो भूमिका दिलाउन तपाईहरुले पुर्‍याउनु भएको योगदानप्रति आभार व्यक्त गर्दछु ।

उनले एनआरएनएको इतिहासमा लामो समय व्यतित गर्दै आज आफू सचिवजस्तो गरिमामयपदमा उम्मेदवारी दिन आईपुगेको बताए । “तपाई सम्मानित पार्षद् र अग्रजहरुको हरेक चरणमा विश्वास जितेर आजको अवस्थामा आइपुगेको हुँ”, उनले भने ।

वर्षौ विदेशमा बिताएका नेपाली दाजुभाई दिदीबहिनीहरु (रिटर्नी माइग्रेन्ट्स)को पुनस्र्थापना। नेपाली अर्थतन्त्रको मेरुदण्ड रेमिट्यान्सको वृद्धि एवं भर्खरै लागू भएको सामाजिक सुरक्षाको कार्यन्वयन र संस्थाभित्र आर्थिक पारदर्शियता एवं यसमा महिला र युवाहरुको सहभागिता तथा नागरिकताको सहभागिता तथा नागरिकताको निरन्तरता दिन उम्मेदवारी दिएको उनले बताए ।

लामो समयदेखि एनआरएनए अभियानमा जोडिएका गोर्खालीले सन् २०११ देखि २०२१ मध्यपूर्व सहसंयोजक रुपमा सक्रिय भूमिका निर्वाह गरिसकेका छन् ।