ताजा समाचार

ट्राफिक प्रहरीलाई जीवन विकास लघुवित्तकाे सहयोग

कोशी प्रदेश
- न्युज नेपाल
       

विराटनगर । ट्राफिक प्रहरीलाई जीवन विकास लघुवित्त वित्तीय संस्थाले कम्प्युटर सेट  सहयोग गरेको छ ।

बिहीबार लघुवित्तले जिल्ला ट्राफिक प्रहरी कार्यालय मोरङलाई एउटा कम्प्युटर सेट र प्रिन्टर सहयोग गरेको हो ।

लघुवित्तका प्रमुख कार्यकारी अधिकृत सञ्जयकुमार मण्डलले जिल्ला ट्राफिक प्रहरी कार्यालय मोरङका प्रहरी नायब निरीक्षक राजकुमार बस्नेतलाई डेल ब्रान्डको कम्प्युटर सेट र प्रिन्टर हस्तान्तरण गरे ।

संस्थागत सामाजिक उत्तरदायित्व अन्तरगत जनतालाई सहज सेवा प्रवाह र ट्राफिक व्यवस्थापनमा सहयोग गर्ने उद्देश्यले कम्प्युटर र प्रिन्टर हस्तान्तरण गरिएको मण्डलले बताए ।

कम्प्युटर हस्तान्तरण कार्यक्रममा लघुवित्तका नायब प्रमुख कार्यकारी अधिकृत दामोदर रेग्मी, संस्थाको सामाजिक विकास शाखा प्रमुख विजयकुमार मण्डल, तालिम विभाग प्रमुख रञ्जना निरौलालगायतको उपस्थिति थियो ।

Comments

प्रकाशित मिति : 2023-12-21

अरु समाचार

© NewsNepal 2018 - All Right Reserved.
newsnepal.com 2017.hlon.org