ताजा समाचार

त्रिकोणात्मक टी–२० सिरिजको उपाधिका लागि नेपाल र पीएनजी बिच भिडन्त हुने

खेलकुद
-
       

काठमाडौं । हङकङमा जारी त्रिकोणात्मक टी–२० अन्तर्राष्ट्रिय क्रिकेट शृंखलाको उपाधिका लागि नेपाल र पपुवा न्यु गिनी (पीएनजी) बिच भिडन्त हुने भएको छ ।

मंगलबार खेलिएको दोस्रो खेलमा आयोजक हङकङमाथि १० विकेटको सजिलो जित हात पार्दै पीएनजी शृंखलाको फाइनलमा पुगेको हो ।

त्यसअघि मंगलबार खेलिएको पहिलो खेलमा नेपालले पीएनजीलाई ८५ रनले हराउँदै फाइनल प्रवेश गरेको थियो । टस हरेर पहिले ब्याटिङको निम्तो पाएको नेपालले निर्धारित २० ओभरमा ६ विकेट गुमाएर एक सय ९८ रन बनाएको थियो ।

जवाफी ब्याटिङमा ओर्लिएको पीएनजीले भने १६.१ ओभरमा अलआउट हुँदै एक सय १३ रनमात्र बनाउन सकेको थियो ।

नेपाल र पीएनजीबिचको फाइनल खेल बुधबार विहान ११ः४५ बजे सुरु हुनेछ । त्यसअघि बुधबार विहान हङकङ र हङकङको ‘ए’ टोलीबिच तेस्रो स्थानका लागि खेल हुनेछ ।

Comments

प्रकाशित मिति : 2024-03-12

अरु समाचार

© NewsNepal 2018 - All Right Reserved.
newsnepal.com 2017.hlon.org