छविलालले बिगारे गृहको छवि, एक दर्जन सहसचिव ‘बरण्डा’मा
काठमाडौं । गृह मन्त्रालयको कर्मचारी प्रशासन महाशाखाका सहसचिव छविलाल रिजालले गृहका एक दर्जन सहसचिवहरूलाई जिम्मेवारी दिएर पठाउने फाइललाई अगाडि नबढाउदा देशको शान्ति सुरक्षा र अमनचयन कायम गर्नुपर्ने गृह मन्त्रालयको शाखः खस्किदै गएको छ। सहसचिव रिजालले रूपन्देहीको प्रमुख जिल्ला अधिकारी(प्रजिअ) हुन चलखेल गरिरहेका छन् । रूपन्देहीको आफू सिडिओ नभए नेपाली कांग्रेस निकट काला कांग्रेस सहसचिव प्रकाश पौडेललाई रूपन्देहीको सिडिओ बनाउन अगाडि सारेका छन्। यसले सिडिओ सरूवामा रिजालले टाङ अडाएर बस्दा गृहको बरण्डामा एक दर्जन काविल, क्षमतावान र सक्षम सहसचिवहरू थन्किएर बसेको लामो समय भैसकेको छ।
गृह प्रशासनमा सिडिओलाई ९ महिना अर्थात २७० दिन पूरा भएपछि सरूवा गर्न सकिने परम्परा रहदै आएको छ। तर १० महिनादेखि डेढ वर्ष पूरा भएका तथा विगतको सरकारले सरूवा गरेका सिडिओहरूको सरूवा गर्ने कार्यमा सहसचिव रिजालले टाङ अडयाउदा सरूवा रोकिन पुगेको छ। गृह सचिव गोकर्णमणी दुवाडी र गृह मन्त्री रमेश लेखकले २७० दिनदेखि डेढ वर्ष अवधि पूरा भैसकेका र अघिल्ला गृह मन्त्री नारायणकाजी श्रेष्ठ र रवी लामिछानेले सरूवा गरेका सिडिओ र अन्य विभागका सहसचिवहरूलाई तिहार अगाडि नै सरूवा गर्न सुची तयार पार्न निर्देशन दिएका भएपनि कर्मचारी प्रशासन महाशाखाका सहसचिव रिजालले आफुले भनेको रूपन्देही जिल्लाको सिडिओ नपाएर सरूवाको फाइल रोकेर बसेका छन्।
उनले रूपन्देही जस्तो आकर्षक र मालदार जिल्लाको सिडिओ ताकेका छन्। शेर बहादुर देउवा प्रधानमन्त्री हुँदा रिजाल झापाको सिडिओ भएका थिए । त्यहाँ सिडिओ हुँदा उनले एमाले अध्यक्ष तथा प्रधानमन्त्री केपी शर्मा ओलीसँग राम्रो सम्बन्ध बनाउन खोजेपनि झापामा सिडिओको भूमिका भन्दा कांगेसी हुन खोज्दा प्रधानमन्त्री ओलीसँग उनको सम्बन्ध बिग्रिएको थियो। त्यही भएर उनीसँग ओली रिसाएका छन्।
रिजाल तनहुँ जस्तो शक्तिकेन्द्र रहेका जिल्लाको पनि सिडिओ भैसकेका छन्। त्यही भएर उनले शितल निवासबाट पनि रूपन्देहीका लागि पावर लगाउदै आएका छ। उनी जसरी भएपनि रूपन्देही जिल्ला ताकिरहेका छन। रूपन्देहीमा उपप्रधान एवं अर्थ मन्त्री विष्णुप्रसाद पौडेलले आफू निकट सहसचिव उमेश ढकाललाई पठाउन चाहेका थिए । तर पौडेल चीन भ्रमणमा रहेका बेला रिजालले नै काभ्रेको सिडिओमा पठाएर आफू रूपन्देहीको सिडिओ बन्न लाइन क्लियर गरेका थिए । उनले अहिले कांग्रेसी प्रकाश पौडेललाई पठाउन चाहेको गृह स्रोतले बताएको छ।
तात्कालिक गृहमन्त्री रवी लामिछानेले उनलाई कुनै जिम्मेवारी नदिइ मन्त्रालयको बरण्डामा थन्काएर राखेका थिए । अहिले गृह सचिव दुवाडी र प्रशासन महाशाखाका सहसचिव रिजालले सहसचिवहरूको व्यवस्थापनमा कुनै चासो दिएका छैनन्। काठमाडौंमा गृह मन्त्री लेखक निकट जयनारायण आचार्य सिडिओ भैसकेकाले झापा, ललितपुर र रूपन्देहीमा एमाले निकट सहसचिव सिडिओ हुने स्रोतको दावी छ। मोरङ, पर्सा, रौतहटमा कांग्रेसले भाग पाउने सम्भावना भएपनि रिजाल ती जिल्लामा जान अनिच्छुक भएकाले सिडिओ सरूवामा टाङ अडयाएका हुन्। उनले आफनो सरूवा नहुनेभएपछि रूपन्देहीमा सहसचिव प्रकाश पौडेलको सरूवा गर्न लागेका छन्। उनी ललितपुर जिल्लामा केन्द्रीय प्रतिनिधि बनेर हल्लिरहेका छन्। सहसचिव गोविन्द प्रसाद रिजाल मन्त्रालयको कर्मचारी प्रशासन महाशाखा कि मोरङ वा पर्साको सिडिओ ताकिरहेका छन्।
गृहलाई आवश्यक नभएको अवस्थामा संघीय मामिला तथा सामान्य प्रशासन मन्त्रालयबाट अन्तै सरुवा गराउन सकिन्छ तर जिम्मेवारी नै नदिई राख्नु भनेको कुनै हिसाबले उचित नभएको गृहकै एक सहसचिव बताउँछन् । अझ उपसचिवलाई प्रजिअ बनाई पठाई रहँदा सहसचिवले बस्ने व्यवस्थासमेत नहुनुले गृहकै शाख गिराएको ती सहसचिवको भनाई छ । सहसचिव सिडिओ हुने ६१ जिल्ला छन्। हिमाली र दुर्गम १६ जिल्लामा सिडिओ उपसचिव हुन्छन्। इलाका प्रशासन कार्यालयहरूमा पनि उपसचिव तहका कर्मचारी इलाका प्रशासकका रूपमा पठाइन्छ। तर अहिले सहसचिव सिडिओ हुने १० जिल्लामा उपसचिवहरूलाई कामु सिडिओ बनाएर खटाउने गृहको गलत निर्णयको कारण अहिले गृहको बरण्डामा एक दर्जन सहसचिवहरू थन्किन पुगेका हुन्।
Comments
अरु समाचार
-
पशुपति गौशाला धर्मशालाबारे अध्ययन गर्न ६ सदस्यीय समिति गठन
काठमाडौं । संस्कृति, पर्यटक तथा नागरिक उड्डयन मन्त्रालयले पशुपति गौशाला धर्मशालाको विषयमा यथार्थता अध्ययन गरी प्रतिवेदन पेस गर्न ६ सदस्यीय...
-
विविध कार्यक्रमका साथ जङ्गी अड्डामा राष्ट्रसङ्घ स्थापना दिवस मनाइँदै
काठमाडौं । विश्वभर शान्ति,एकता,मैत्री र मेलमिलाप प्रवर्धन गर्ने उद्देश्यले स्थापना भएको संयुक्त राष्ट्रसङ्घको ७९ औँ वार्षिकोत्सव पर्सी बिहीबार विविध कार्यक्रमका...
-
चालीस रोपनी जग्गामा सयपत्री फूलखेती
काठमाडौं । किसान सयपत्री फूलखेतीमा तनहुँका आकर्षित भएका छन् । तिहार, हरिबोधनी एकादशी तथा स्थानीयस्तरमा हुने कार्यक्रममा सयपत्रीको माग बढ्न...
-
सरकारको एकसय दिनः विद्युत् बिक्री सम्झौतादेखि निर्माणाधीन आयोजनालाई गति दिने प्रयास
काठमाडौँ, ६ कात्तिकः देशभित्र उत्पादित बिजुली तेस्रो मुलुक पुर्याउने रणनीतिक महत्वको सम्झौतादेखि निर्माणाधीन आयोजनालाई गति दिनेलगायत महत्वपूर्ण काम सरकारको एकसय...
-
मेची–महाकाली राष्ट्रिय उद्धार यात्राः मधेस र कोशी प्रदेशबाट सडकमा आश्रित ८४ जना मानवको उद्धार
वीरगञ्ज (पर्सा): मेची–महाकाली राष्ट्रिय उद्धार यात्राको आठौँ दिनसम्म कोशी र मधेस प्रदेशबाट ८४ जना सडकमा आश्रित मानवको उद्धार गरिएको छ...
-
यस्तो छ आजका लागि विदेशी मुद्राको विनिमय दर
काठमाडौँ : नेपाल राष्ट्र बैंकले आजका लागि विदेशी मुद्राको विनिमय दर निर्धारण गरेको छ । राष्ट्र बैंकका अनुसार अमेरिकी डलर...
-
आजको राशिफल: २०८१ कार्तिक ६ गते मंगलवार
मेष : पछिसम्म लाभ हुने काम प्रारम्भ हुनेछ। भौतिक साधन जुट्नाले दिगो योजना प्रारम्भ होला। व्यापारमा मनग्य धनलाभ हुनेछ। सेवामूलक...
-
कार्यसम्पादन कमजोर भएका संस्थानको निजीकरण वर्गीकरणका लागि सिफारिस गर्ने निर्णय
काठमाडौं । निजीकरण समितिले बन्द, रुग्ण र कार्यसम्पादन कमजोर भएका केही संस्थानहरुको निजीकरण वर्गीकरणका निम्ति मन्त्रिपरिषद्मा प्रस्ताव सिफारिस गर्ने निर्णय...
-
सुनकोसी पुल बगेपछि व्यापारमा मन्दी
काठमाडौं । गत असोज १२ गते आएको भीषण वर्षासँगैको बाढीले गाईघाट दिक्तेल सगरमाथा सडकमार्ग खण्डको सुनकोसीस्थित फोक्सिङटारको पुल बगाएपछि गाईघाट,...