रूसले युक्रेनको उत्तरपूर्वी शहर सुमीमा क्षेप्यास्त्र आक्रमण

राजनीति

काठमाडौं । रूसले युक्रेनको उत्तरपूर्वी शहर सुमीमा क्षेप्यास्त्र आक्रमण गरेको छ । साउदी अरबमा अमेरिकाले युक्रेन र रुसका प्रतिनिधिहरुसँग छुट्टाछुट्टै वार्ता भइरहँदा रूसले युक्रेनमा आक्रमण गरेको हो । आक्रमणमा कयौँ घाइते भएको बताइएको छ ।

अन्तर्राष्ट्रिय सञ्चार माध्यमका अनुसार सुमी रूसको कुस्र्क क्षेत्रसँग सिमाना जोडिएको क्षेत्र हो । सो क्षेत्रको रुसी केही भाग युक्रेनी सेनाले कब्जामा लिएको छ । आक्रमणपछि युक्रेनका विदेश मन्त्री आन्द्रि सिभिहाले शान्तिबारे झुटो बयान दिनुको सट्टा रुसले आक्रमण रोक्नुपर्ने बताएका छन् ।

आधारभूत संरचना माथि आक्रमण नगर्ने सहमतिको उल्लंघन गरेको दुवै पक्षले आरोप लगाउँदै आएका छन् । अमेरिका र रूसबीचको पछिल्लो वार्ता सोमबार साउदी अरबको राजधानी रियादमा भएको समाचारमा उल्लेख छ ।

जसमा युक्रेनलाई ब्ल्याक सीमार्फत् खाद्यान्न निर्यातको अनुमतिबारे कुराकानी भएको छ । सन् २०२२ मा रुस र अमेरिकाबीच सम्झौता भएपनि युद्ध चर्कँदै गएपछि मस्कोले उक्त अनुमति रद्ध गरेको थियो । त्यसको रूसले पश्चिमी प्रतिबन्ध फुकुवाको मागलाई सर्तका रुपमा अघि सार्दै आएको छ ।