विरेन्द्र बहादुर धानुकको उम्मेदवारी : सुदूरपश्चिमको आवाज, युवाहरुको प्रेरणा

राजनीति

- sunil bhattarai

काठमाडौं । सुदूरपश्चिमको दुर्गम भूभागबाट आएका जनपक्षीय युवा नेतृत्व विरेन्द्र बहादुर धानुक नेकपा (एमाले) निकट राष्ट्रिय युवा संघ नेपालको १०औं महाधिवेशनमा भूगोल तर्फबाट केन्द्रित सदस्य पदका लागि उम्मेदवार बन्नुभएको छ। उहाँको उम्मेदवारी साँचिकै सबै युवाहरुका लागि प्रेरणादायी बन्न पुगेको छ।

धानुकज्यूले कहिल्यै पनि शक्ति वा सत्ताको लोभ नगरी, सधैं जनजीविका, विकास र सामाजिक न्यायका पक्षमा आफ्नो आवाज बुलन्द पार्दै आउनुभएको छ। उहाँको राजनीति सधैं यथार्थमा आधारित, इमानदार र युवामैत्री रहँदै आएको छ।

उहाँले युवा समुदायलाई जागरुक बनाउने, उनीहरूको क्षमता पहिचान गरी जिम्मेवारीमा अग्रसर गराउने अभियानलाई निरन्तरता दिँदै आउनुभएको छ। यही प्रतिबद्धताले गर्दा आज उहाँ नेकपा एमालेको भ्रातृ संगठन राष्ट्रिय युवा संघ नेपालमा सुदूरपश्चिम क्षेत्रबाट केन्द्रसम्मको प्रतिनिधित्व गर्दै अगाडि बढ्नुभएको हो।

हामी सबै युवाहरुका लागि उहाँको उम्मेदवारी एक प्रेरणा बनेको छ। उहाँको नेतृत्वमा सुदूरपश्चिमको आवाज अब केन्द्रसम्म पुग्ने छ। त्यसैले, हामी सबैले विरेन्द्र बहादुर धानुकज्युलाई साथ, समर्थन र सहयोग गर्न आ–आफ्नो स्थानबाट सक्रिय बन्न जरुरी छ।

उहाँ स्वयंले पनि सम्पूर्ण युवाहरुलाई आ–आफ्नो ठाउँबाट संगठन सुदृढ बनाउन र सचेत नेतृत्व निर्माणमा लाग्न आह्वान गर्नुभएको छ।