संखुवासभा कांग्रेसका पूराना नेता कुवेर भण्डारीले पार्टीको पदबाट दिए राजीनामा

कोशी प्रदेश

खाँदबारी । नेपाली कांग्रेस संखुवासभामा लामो इतिहास भएका नेता कुवेर भण्डारीले क्रियाशील सदस्यदेखि सबै पदबाट राजीनामा दिएका छन् । कांग्रेस पार्टीका नेताहरुको क्रियाकलापप्रति असंतुष्टी जनाउँदै उनले क्रियाशील सदस्यदेखि प्रदेश प्रतिनिधिलगायत सबै पदवाट राजीनामा दिने घोषणा गरेको विज्ञप्तिमार्फत जनाएका छन् ।

सुंवासभा क्षेत्र नम्बर २ का क्षेत्रीय सभापति समक्ष राजीनापत्र बुझाएका उनले वि सं. २०३८ सालदेखि नेविसंघको कर्यकर्ता हुँदै अहिलेसम्म कांग्रेसको हरेक प्रजातान्त्रिक आन्दोलनमा सक्रियतापूर्वक सहभागिता जनाउँदै आएका छन् ।

विज्ञप्तिमा उनले ‘नेपाली कांग्रेसको विचार नै प्रजातान्त्रिक समाजवादवाट विचलित भई भ्रष्टाचारको नाईके हुने, परिवारवाद लागू गर्ने तथा अभिव्यक्ति स्वतन्त्रतामा अंकुश लगाउने जस्ता अप्रजातान्त्रिक क्रियाकिलाप गर्दै आएकोले विमति राखेको’ प्रष्ट पारेका छन् ।

नेता भण्डारी राजीनामा पत्रमा लेख्छन्, “आज मिति २०८२\०२\१७ गतेबाट मैले नेपाली कांग्रेसको क्रियाशील सदस्यदेखि प्रदेश प्रतिनिधि सबै पदवाट राजिनामा दिने घोषणा गरेको छु ।”

पदभित्र रहेर आफूलाई सहयोग गर्ने अग्रज नेताहरु र साथीहरुप्रति उनले आभार व्यक्त गरेका छन् । उनीलगायत उनका परिवारका सदस्यहरुले कांग्रेसमा लामो इतिहास बोकेका छन् ।