ताजा समाचार

मोहम्मद सिराजलाई आईसीसीको जरीवाना

काठमाडौं । अन्तर्राष्ट्रिय क्रिकेट काउन्सिल (आईसीसी)ले भारतीय तीव्र गतिका बलर मोहम्मद सिराजलाई जरीवाना गरेको छ ।

लर्ड्समा घरेलु टोली इङ्ग्ल्यान्डसँगको तेस्रो टेस्टको चौथो दिनमा आईसीसीको आचारसंहिता उल्लङ्घन गरेपछि सिराजलाई ‘म्याच फी’ को १५ प्रतिशत जरीवाना गरिएको छ । उनलाई आईसीसीले एक डिमेरिट प्वाइन्ट पनि दिएको छ ।

सिराजले खेलाडी र खेलाडी सहयोगी कर्मचारीहरूका लागि आईसीसी आचारसंहिताको धारा २।५ उल्लङ्घन गरेकोमा दोषी ठहर भएका हुन् । यो आचारसंहिता अन्तर्राष्ट्रिय खेलका क्रममा ब्याटलाई अपमानजनक वा आक्रामक प्रतिक्रिया जगाउन सक्ने भाषा, कार्य वा इशाराहरू प्रयोग गर्नेसँग सम्बन्धित छ ।

टेस्टको चौथो दिनको खेलका क्रममा सिराजले बेन डकेटको विकेट लिएपछि उत्सव मनाउँदै गर्दा उनकै नजिकै गएर चिढ्याएका थिए ।

यसैबीच भारत र इङ्ग्ल्यान्डबीचको तेस्रो टेस्ट रोमाञ्चक मोडमा पुगेको छ । खेलको पाँचौं दिन अर्थात् आज भारतलाई जीतका लागि १ सय ३५ रन र इङ्ग्ल्यान्डलाई ६ विकेट चाहिएको छ ।

Comments

अरु समाचार

© NewsNepal 2018 - All Right Reserved.
newsnepal.com 2017.hlon.org