नयाँ तीज गीत ‘आयो है तीजको लहर’ सार्वजनिक

कोशी प्रदेश

- सुनिल भट्टराई

काठमाडाैं । नेपाली नारीहरूको महान पर्व हरितालिका तीज नजिकिएसँगै बजारमा नयाँ-नयाँ तीजका गीत सार्वजनिक हुन थालेका छन् । यसै क्रममा ‘आयो है तीजको लहर’ गीतको म्युजिक भिडियो सार्वजनिक भएको छ ।

लोकपृय गायीका अन्जु गौतम को स्वर तथा हरि शिवाकोटीको शब्द रचनामा तयार भएको गीत यहि २०८२ साउन १, बिहिवार सार्वजनिक भएको हो । संगीतकर्मी कुन्दन राईले संगीत, मिक्सिङ र मास्टरिङ गरेकाे गीत मौलिक शब्द, संगित, माैलिकता र सांस्कृतीकपन सार्वजनिक भएकोसँगै लोकपृयता बटुलिरहेकाे छ।

नेपाली हिन्दु नारीहरुको आस्थाको धरोहरका रुपमा रहेको तीजको धार्मीक तथा संस्कृतीक महत्व पनि उत्तिकै रहेको छ । सोही सांस्कृतीक महत्वलाई उजागर गरिएको गीतमा युवा पुस्ताकी चर्चीत कलाकार ज्योति खड्काका साथै अन्जु गौतमको आकर्षक अभिनय देख्न सकिन्छ। बिजय मगरले निर्देशन तथा अनमिका लामिछानेको कोरियोग्राफीले गीतलाई जिवन्त बनाएको छ ।

भिडियोको सम्पादन तथा संयोजन अर्जुन खड्काले गरेका छन् भने छायांकन विषाल थापा र उनकी टिमले सम्हालेका हुन । ड्यामि क्रिएशनको पोस्ट–प्रोडक्सन तथा अनिल पराजुली र हर्क बहादुर पहाडीको प्राविधिक सहयोगमा गीतको निर्माण भएको हो।