फरक प्रसंगलाई मसँग जोडेर फेरि चरित्र हत्या र दुष्प्रचार गरिरहेका छन् : महेश बस्नेत

काठमाडौं । नेकपा एमालेका सचिव महेश बस्नेतले आफूलाई विभिन्न प्रसङ्गसँग जोडेर चरित्र हत्या तथा दुष्प्रचार गर्ने प्रयास भइरहेको दाबी गरेका छन्। बस्नेतले सामाजिक सञ्जाल फेसबुकमार्फत स्टाटस लेख्दै वर्तमान सरकारको आडमा आपराधिक मानसिकता बोकेका केही व्यक्तिले फरक प्रसङ्गलाई आफूंसँग जोडेर भ्रम फैलाउने काम गरिरहेको आरोप लगाएका हुन्।

‘भ्रममा नपरौँ’ भन्दै उनले आफूविरुद्ध भइरहेको प्रचारलाई अस्वीकार गरेका छन्। उनले सरकार वा आफूविरुद्ध दुष्प्रचारमा संलग्न व्यक्तिहरूको आफूले नैतिक तथा कानुनी रूपमा सामना गर्ने बताएका छन्।

बस्नेतले आफ्नो स्टाटसमा आफू कानुनी प्रक्रियाबाट पछि नहट्ने उल्लेख गर्दै त्यस्ता गतिविधिमा संलग्न व्यक्तिमाथि समय क्रममा उचित कारबाही हुने दाबीसमेत गरेका छन्। उनले लेखेका छन्, “वर्तमान सरकारको आडमा आपराधिक मानसिकता बोकेका केही व्यक्तिहरूले फरक प्रसङ्गलाई मसँग जोडेर फेरि चरित्र हत्या र दुष्प्रचार गरिरहेका छन्।”

बस्नेतले सरकार वा आफूविरुद्ध गतिविधि गर्ने सबैसँग नैतिक र कानुनी रूपमा सामना गर्न आफू तयार रहेको बताएका छन्। उनले सम्बन्धित व्यक्तिहरूलाई समय क्रममा कारबाही हुने चेतावनीसमेत दिएका छन्। बस्नेतको उक्त भनाइ कुन विशेष घटनालाई लक्षित गरेर आएको हो भन्ने कुरा भने फेसबुक स्टाटसमा स्पष्ट गरिएको छैन।

सामाजिक सञ्जाल फेसबुकमा लेखिएको स्टाटस:

“भ्रममा नपरौँ।
वर्तमान सरकारको आडमा आपराधिक मानसिकता बोकेका केही व्यक्तिहरूले फरक प्रसङ्गलाई मसँग जोडेर फेरि चरित्र हत्या र दुष्प्रचार गरिरहेका छन्।
सरकार होस् वा आपराधिक मनोवृत्ति बोकेका तिमीहरु सबैसँग नैतिक र कानुनी रूपमा सामना गर्न म सधैँ तयार छु।
ढुक्क भएर बस, समय क्रममा तिमीहरुलाई उचित कार्बाही गरिनेनै छ।”

Comments