वर्डलिंक २१ औं वर्षमा प्रवेश, २१ रुपैयाँमा इन्टरनेट जडानको अफर

समाचार

काठमाडौं, ३ असोज । वल्र्डलिंक कम्युनिकेसन्सले २१ औं बर्ष प्रवेशको अबसरमा विविध कार्यक्रम गरी मनाएको छ ।

बार्षिकोत्सबका अबसरमा कम्पनीले आइतबार जाउलाखेलमा रक्तदान कार्यक्रम गरेको छ । कार्यक्रममा दुई सय जनाले रक्तदान गरेका छन्।

त्यस्तै विभिन्न स्थानमा रहेका अपांगता भएका ब्यक्तिलाई खानेकुरा वितरण गर्ने जालानले जानकारी दिए। कम्पनीले ललितपुरस्थित जिल्ला प्रशासन कार्यालयमा वाइफाइ हटस्पट स्थापना गर्ने निर्णय गरेको छ । कार्यकारी निर्देशक जालानले जिल्ला प्रशासनमा काम लिएर आउने सेवाग्राहीले उक्त हटस्पटबाट निशुल्क वाइफाइ प्रयोग गर्न पाउने बताए।

कम्पनीले २१ रुपैयाँमै इन्टरनेट जडान गर्ने अफर ल्याएको छ। कम्पनीका कार्यकारी निर्देशक विजय जालानले २१ रुपैयाँमा पाँच एमबिपिएस गतिको इन्टरनेट जडान गरिदिने घोषणा गरे। उनले यो शुल्कमा वल्र्डलिंकले ग्राहकले जडान गर्र्ने स्थानसम्म चाहिने फाइबर केबल, वाइफाइ राउटर र इन्टरनेट प्रोटोकल ‘आइपी’ टिभी सेटअप बक्स दिने जानकारी दिए ।

त्यस्तै एक बर्षको इन्टरनेट शुल्क तिर्ने ग्राहकले तीन महिनासम्म आइपी टिभी निशुल्क हेर्न पाउने जानकारी समेत दिए। वाइफाइ राउटर लिन चाहने ग्राहकले भने तीन हजार रुपैयाँ धरौटी राख्नुपर्ने छ। इन्टरनेट सेवा छोड्दा उक्त धरौटी कम्पनीले फिर्ता गर्ने जानकारी पनि कम्पनीले दिएको छ।
आइपी टिभी नेपालमा पछिल्लो पटक भित्रिएको नयाँ प्रविधि हो। यस प्रविधिबाट ग्राहकले इन्टरनेट फाइबरकै माध्यमबाट टिभी हेर्न पाउने छन्। यस्तो प्रविधिबाट प्रसारण हुने टिभीमा ग्राहकले एक साता पुरानो कार्यक्रमसमेत हेर्न सक्ने जालानले जानकारी दिए।

‘आइपी टिभीको प्रसारण गुणस्तरीय हुन्छ, उनले भने, यसमा टिभी हेर्दा एचडी गुणस्तरको पिक्चर हुने भएकाले स्पष्ट र सफा टिभी हेरेको अनुभूति गर्न सकिने उनले जानकारी दिए।’

वल्डलिंकले नेट टिभी ब्राण्डमा आइपी टिभी प्रसारण सुरु गरेको हो। यसमा आफ्नो फूर्सदको समयमा मन लागेको च्यानलमा, मन लागेको कार्यक्रम हेर्न सकिन्छ। लोडसेडिङ वा जस्तोसुकै मौसममा पनि पिक्चरको गुणस्तर उच्चस्तरीय रहिरहन्छ। वल्र्डलिंकले २१ बर्षदेखि इन्टरनेट र कर्पोरेट ग्राहकलाई डाटा सेवा प्रदान गर्दै आएको छ । नयाँ सेवाका रुपमा कम्पनीले गत सातादेखि आइपी टिभी सुरु गरेको हो।