कृषकका लागि ‘किसान कल सेन्टर’ आयो,अब कृषि सम्बन्धी जानकारी मोवाइलबाटै पाइने

किसानहरुले कृषि सम्बन्धी केही समस्या आएमा सिधै किसान कल सेन्टरमा फोन गर्न सक्नेछन् । किसान कल सेन्टरमा पैसा नलाग्ने नम्बर १६६–८३५२००० राखिएको छ । यो नम्बम्रमा किसानले फोन गरेर आफ्ना समस्या र जिज्ञासा राख्न सक्नेछन् । उक्त समस्याहरु समाधानका लागि कल सेन्टरबाट उपाय बताइने छ ।

जिल्ला कृषि विकास कार्यालयमा कल सेन्टरको सुरु भएपछि सानो समस्या हुँदा पनि किसा सदरमुकाम आउनुपर्ने बाध्यता हट्ने भएको छ भने किसानहरुले सहजै रुपमा समाधानका उपायहरु प्राप्त गर्नेछन् ।
यसअघि कृषि विकास मन्त्रालयले विसं २०२३ मङ्सिर २५ बाट रेडियो नेपालमा र २०५६ सालमा नेपाल टेलिभिजनबाट कृषि कार्यक्रम सञ्चालनको सुरुवात गरेको थियो । सो कार्यक्रममा किसानले विज्ञसँग सवाल–जवाफ गर्न पाउँदैनन् । तर, अब यो किसान कल सेन्टर संचलानमा आएपछि किसानहरुले सवाल–जवाफ समेत गर्न पाउनेछन् । किसानले विज्ञसँग कृषि, कृषि प्रविधि, कृषि बीउबीजन, मलखाद, र कृषि यान्त्रिकीकरणका सम्बन्धमा प्रत्यक्ष खोजीनीति र किसानसँग दोहोरो कुराकानी गर्नसक्ने छन् ।

कृषि उत्पादन तथा उत्पादकत्व वृद्धि गर्ने प्रविधिबारे किसान, कृषि उद्यमी कृषि व्यवसायी, कृषिप्रसार तथा अन्य सरोकारवालालाई जानकारी गराउने, कृषि उपजको सम्भाव्य बजार, कृषिमा आधारित संरक्षण एवम प्रशोधन प्रबिधि किसानबाट प्राप्त ग’नासो संकलन गर्ने काम समेत गरिने जिल्ला कृषि विकास कार्यालय सुर्खेतले जानकारी दिएको छ ।
कल सेन्टर उद्घाटन तथा कृषि सामग्री हस्तान्तरण कार्यक्रममा शुक्रबार नै विभिन्न कृषक समुहलाई विभिन्न कृषि सामग्री हस्तान्तरण गरिएको छ । किसानहरुलाई मोवाइल, किसान सिमकार्ड, रेनगेज र थर्माेमिटर वितरण गरिएको हो । कृषि सम्बन्धी सम्पूर्ण जानकारी मोवाइल एप्स ‘हाम्रो कृषि’ बाट पनि पाउन सकिने भएकोले किसानलाई सोही एप्सका लागि स्मार्ट फोन पनि वितरण गरिएको बरिष्ट कृषि विकास अधिकृत कालिप्रसाद कोइरालाले जानकारी दिए ।

कार्यक्रममा क्षेत्रीय कृषि निर्देशक शिवनारायण चौधरीले किसानहरुले कल सेन्टर र मोवाइल एप्सबाट धेरै जानकारी पाउने भन्दै त्यसको सहदुपयो गर्नुपर्ने बताए । कृषिलाई पनि प्रविधिका माध्यमबाट सजिलो बनाउनका लागि सरकारले यो योजना ल्याएको भन्दै उनले यसको भरपुर उपभोग गर्न किसानहरुलाई आग्रह गरे ।
यस्तै कार्यक्रममा सुर्खेतका स्थानीय विकास अधिकारी अमृत लम्सालले यो किसान कल सेन्टर र किसानका लागि बनाइएको मोवाइल एप्सले किसानको जोखिम कम गर्ने भन्दै यो कल सेन्टरबाट स्थानीय बजार मूल्यको बारेमा समेत जानकारी दिन सके राम्रो हेने स’झाव दिएका थिए ।