यस्तो छ बन्दको प्रभाव,माओवादी केन्द्र पनि बन्दकर्ता !

समाचार

काडमाडौं २७ फागुन । संयुक्त मधेसी मोर्चासम्वद्ध संघीय गठबन्धनले शुक्रबार गरेको नेपाल बन्दको प्रभाव मधेसका जिल्लामा परेको छ । पहाडका अन्य जिल्लाहरुमा पनि बन्दको आंशिक प्रभाव परेको छ । तर, काठमाडौं उपत्यकामा भने बन्दको खासै प्रभाव परेको मधेसी मोर्चाको बन्द, राजधानीमा प्रभाव परेन

यसैवीच मधेसी मोर्चासम्वद्ध संघीय गठबन्धनले शुक्रबार गरेको नेपाल बन्दको प्रभाव मधेसका जिल्लामा परेको छ । पहाडका अन्य जिल्लाहरुमा पनि बन्दको आंशिक प्रभाव परेको छ । तर, काठमाडौं उपत्यकामा भने बन्दको खासै प्रभाव परेको छैन ।

त्यस्तै सरकारमा रहेको नेकपा माओवादी केन्द्र पनि बन्द हडतालमा उत्रिएको छ । माओवादी केन्द्रले कञ्चनपुरको आनन्दबजारमा मारिएका गोविन्द गौतम आफ्ना कार्यकर्ता भएको भन्दै हत्याको विरोधमा विहीबार ७ नम्बर प्रदेश बन्दको घोषणा गरेको हो ।

कञ्चनपुरस्थित नेपाल भारत सीमा क्षेत्र आनन्द बजारका नेपालीलाई कुटपिट गरेको र एकजना नेपालीको हत्या भएको विरोधमा नेकपा माओबादी केन्द्रले सात नम्बर प्रदेश वन्दको घोषणा गरेको छ ।

नेकपा माओबादी केन्द्र सात नम्बर प्रदेशका ईन्चार्ज लेखराज भट्टले विज्ञप्ति जारी गर्दै मृतक गोविन्द गौतमलाई सहिद घोषणा गर्नुपर्ने, दोषी पत्ता लगाई कारवाही गर्नुपर्ने लगायतका मागहरु राखेर बन्दको आहृवान गरेका हुन् ।

बन्दका कारण सुदुरपश्चिमका सीमानाकाहरु समेत ठप्प भएका छ । महेन्द्रनगरको गड्डा चौकी नाका, धनगढीको त्रिनगरनाका र टीकापुरस्थित खक्रौला नाका बन्द भएका छन् भने बजार व्यवसाय, स्कुल तथा लामो र छोटो दुरीका सवारी साधनहरु चल्न सकेका छैनन् ।