‘ए बाजे उठ्नुहोस्, यो महिला सिट हो’ माफ पाऊ नानी भन्दै बाजे जुरुक्क उठेर उभिए

समाचार

काठमाडौं, १७ साउन । अहिले हरेक क्षेत्रमा पनि आरक्षणको कुरा आउँछ । त्यो आरक्षणमा पनि सबैभन्दा बढी महिलाहरुको कुरा हुन्छ । बसमा सवार गर्दा होस्, या सरकारी कामको लागि लाईनमा बस्दा नै किन नहोस्, त्यहा आरक्षणको कुरा आइहाल्छ । हुनत आरक्षण कानुनले दिएको अधिकार हो । तर आफ्नो अधिकार प्रयोग गर्ने बाहनामा सामान्य मानवियता समेत बिर्सिदिन्छन् । यो समस्या विशेषगरी सार्वजनिक यातायातमा यात्रा गर्दा व्याप्त छ ।

एउटा ७० वर्षको बृद्ध मानिस भूलबस महिला आरक्षणको सिटमा बस्छन् । उनलाई यो महिला आरक्षण सिट हो भन्ने थाहा थिएन् होला । ति बृद्ध मानिस बन्दा गाडीका सहचालकले पनि महिला नभएकाले खासै मतलब गर्दैनन् । त्यक्तिकैमा गाडी अगाडी बढ्छ । लगभग १५ मिनेट गाडी बढिसकेपछि एक जना त्यस्तै २५/३० वर्ष जतिकी देखिने महिला आउँछिन् । उनी बसमा कहि नहेरेर महिला आरक्षण सिट भएको ठाउँमा हेर्छिन् । त्यो सिटमा बसेका ७० वर्षका बृद्ध मानिसलाई अलि रुखो भाषामा, ‘ए बाजे त्यो महिला आरक्षण सिट हो उठ्नुहोस्’, बृद्ध खुरुक्क उठ्छन् र ती महिला बस्छिन् । अलिकति पनि मानवियता नभएकी ती महिलाई बसमा भएका सबैले एक नजरले नियालिरहे । बसमा सवार त्यतिका यात्रुले नियालेर हेर्दा पनि ती युवती व्यागबाट मोवाईल (आईफोन) निकालेर चलाउनमा व्यस्त हुन्छिन् ।

त्यस्तै बुटबल घर भएका अर्का एक बृद्ध मानिसको पनि त्यही हालत हुन्छ । अरु महिला तथा बृद्ध लेखिएको सिटमा अरु महिलाहरु बसेका थिए । एकैछिन उहाँ त्यही सिटमा बस्नुभयो । त्यसपछि दुइजना महिलाको प्रबेस भयो गाडी भित्र । गाडिका सहचालकले बृद्ध बुवातिर सङ्केत गर्दै केही भने, ‘बुवा त्यो महिला सिट हो त्यहा नबस्नुस यिनिहरुलाई छोड्दिनुस”

त्यस लगतै उहा ‘ए ल’ भन्दै एउटा हात खुट्टाको घोडामा अर्को गाडिको झ्यालमा समाती त्यस सिटबाट उठ्नुभयो । ती महिलाहरुले सहचालकले भनेको कुरा सुनेका थिए । बुवा उठ्ने बित्तिकै थ्याङ्क यु अङ्कल भन्दै बसे । अरु गाडिको सिट खाली थिएन उहाँ एकैछिन उभिनुभयो ।