सुदूरपश्चिमेलीहरु काठमाडौंमा भेला भएर यसरी गरे दशै तिहारको शुभकामना आदानप्रदान

गतिविधि

काठमाडौं, ७ असोज । सुदूरपश्चिम समाज कोटेश्वर, काठमाडौले दशै तथा तिहारको शुभकामना आदान प्रदान कार्यक्रमको आयोजना गरेको छ । जन्मथलो सुदूरपश्चिम भएर आफ्नो कर्म थलो काठमाडौंलाई बनाईराखेकाहरुको साझाँ संस्थाको रुपमा परिचित यस सस्थाले नेपालीहरुको महान पर्व दशै तथा तिहारको अवसरमा शुभकामना आदानप्रदान कार्यक्रमको आयोजना गरेको हो । पूर्व गृहमन्त्री एवंम नेकपा एमाले उपाध्यक्ष भिम रावलको प्रमुख आतिथ्यमा सम्पन्न कार्यक्रममा पुर्व उद्योगमन्त्री कर्ण बहादुर थापा, पुर्वमन्त्री छविराज पन्त लगायतको उपस्थिति रहेको थियो ।

सुदूरपश्चिम समाजका अध्यक्ष केशव बहादुर सावदको सभापतित्वमा सम्पन्न कार्यक्रममा मान बहादुर सावदले स्वागत मन्तव्य राख्नुभएको थियो । शुभकामना आदान प्रदान कार्यक्रममा बोल्नुहुदै एमाले उपाध्यक्ष भिम रावलले मुलुक अव आर्थिक, सामाजिक तथा सांस्कृतिक विकासको दिशामा होमिएको बताएका थिए । नेपाल अहिले तिनै तहको निर्वाचनको संघारमा रहेको परिपेक्षमा यसले मुलुकलाई नयाँ दिशाबाट अगाडि बढाउने विश्वास व्यक्त गर्नुभएको थियो ।

रावलले केही तत्वहरुले मुलुकलाई जातजाति, भाषा र संस्कृतिको आधारमा द्धन्द्ध मच्चाउने प्रयासमा लागिरहेको आरोप लगाउनुभयो । सबै मिलेर बसेको नेपाली समाजलाई विदेशीको ईसारामा आन्तरिक द्धन्द्ध मच्चाउने खेल भईरहेको भन्दै यस्ता तत्वबाट सबैले बच्न जरुरी रहेको बताउनुभयो । कार्यक्रममा पूर्व उद्योगमन्त्री कर्ण बहादुर थापा, पुर्वमन्त्री छविराज पन्त, प्राज्ञ तथा डेउडा गायक यज्ञराज उपाध्याय, मायाप्रकाश भट्ट, नयाँ शक्तिका शंकर भण्डारी, अनेरास्ववियुका केन्द्रीय सचिव डिवि साउद, भैरव बोहरा, सिव ठकुल्ला लगायतका महानुभावहरुले शुभकामना मन्तव्य राखेका थिए ।

कार्यक्रममा विभिन्न राजनीतिक दलका नेताहरुको भाषण देखि लोकसांस्कृतिक कार्यक्रम सम्म राखिएको थियो । कार्यक्रममा लोक देउडा गायक तथा प्राज्ञ यज्ञराज उपाध्याय, देउडा गायक सुर्य विरही साउँदले आफ्नो प्रस्तुती प्रस्तुत गरेका थिए । कार्यक्रमका प्रमुख अतिथि तथा एमाले उपाध्यष भिम रावलले समेत अछामी भाषामा कविता सुनाएका थिए । उपाध्यक्ष रावलले अछामी भाषामा कविता सुनाउँदा कार्यक्रममा उपस्थित सबैको तालिको गडगडाहत भएको थियो । रावलले सुनाएको कविता यस्तो थियोः

‘दशैं आउँदो, त्यार आउँदो, खुशी हुदाँ हामी
निकाई भया, रामडाई भया, सबै सुदुरबासी,
बालेर मनको दियो, छर्दै उज्यालाो यहाँ,
उठाउँदै देशको शिर सगरमाथा सरि यहाँ
भावना मिलाई सबै एकचित्तले अघि सरी
प्रेम र श्रद्धा सबमा राखेर हृदयभरी
खोलेर मनको ढोका पूर्ण होउन चाहना
सम्बृद्धि सुखको लागि हार्दिक शुभकामना ।’