नेपालमै पहिलो पटक एसएमएस क्विज कन्टेस्ट प्रतियोगिता सुरु

समाचार

काठमाडौं, १२ कात्तिक । नेपालमै पहिलो पटक एसएमएस क्विज कन्टेस्ट प्रतियोगिता सुरु गरिएको छ । क्रिस मिडिया एण्ड रिसर्च प्रा.लि. द्धारा सञ्चालित क्विज कन्टेस्ट नेपालले एसएमएस मार्फत प्रतियोगिता सुरु गरेको हो । प्रतियोगितामा भाग लिन नेपाल टेलिकमको सिम कार्ड प्रयोगकर्ता हुनुपर्ने हुन्छ ।

प्रतियोगितामा सहभागिहरुले दैनिक, साप्ताहिक र मासिक गरी तीन चरणमा पुरस्कार जित्न सक्नेछन् । दैनिक सबैभन्दा बढी प्रश्नको उत्तर दिनसक्नेले एउटा स्मार्टफोन पुरस्कारस्वरुप पाउने सञ्चालक दिप लिंथेपले जानकारी दिए । नेपाल टेलिकम मोवाईल प्रयोगकर्ताहरुले मोवाईलको म्यासेजबक्समा गई Q लेखेर ३१०१० मा पठाउनुपर्ने हुन्छ ।

त्यसपछि मोवाईलमा आएको रिप्लाईको आधारमा सबैभन्दा बढी पोईन्ट पाउनेले दैनिक स्मार्टफोन जित्न सक्नेछन् । त्यस्तै साप्ताहिक रुपमा ल्यापटप र मासिक रुपमा एकजनाले SUZUKI GIXXER BIKE पाउनेछन् । नेपालमै पहिलो पटक सञ्चालन गरिएको एसएमएस क्विज कन्टेस्टमा दिनप्रतिदिन उत्साहनजक सहभागिता भईरहेको सञ्चालक लिंथेपले जानकारी दिए ।

रसियन टेक्नोलोजीमा आधारित भएर नेपालमा पहिलो पटक भित्रिएको एसएमएस क्विज कन्टेस्टमा सहभागिहरुको संख्या बढ्दै गईरहेको उनको भनाई छ । यसवारेको विस्तृत जानकारी www.quizcontestnepal.com वोईवसाईटमा राखिएको छ ।