क्यानडामाथि नेपालको सनसनीपूर्ण जित, विश्वकप छनोट खेल्ने पक्का

खेलकुद

काठमाडौं, २ फागुन । आइसिसी विश्व क्रिकेट लिग डिभिजन–२ मा नेपालले सनसनीपूर्ण जित निकालेको छ । क्यानडामाथी १ विकेटको शानदार जित निकालेको हो । १ सय ९५ रनको लक्ष्य पच्छ्याएको नेपालले मा लक्ष्य भेट्टाएको हो । नेपालको जितमा करन केसी र सन्दीप लामिछाने नायक बनेका छन् ।

केसीले उत्कृष्ट प्रदर्शन गर्दै ३१ बलमा ४२ रन बनाए । त्यस्तै उनलाई साथ दिएका लामिछानेको प्रदर्शन समेत उत्कृष्ट रह्यो । लामिछानेले ५ रन जोडे । नेपालका लागी दिलिप नाथ ४१, रोहित कुमार पौडेल २७ आरिफ सेख २६ रन बनाए पनि त्यो जितका लागी प्रयाप्त भएन् । त्यस्तै ज्ञानेन्द्र मल्लले ९ रन जोड्दा कप्तान पारस खड्का ० रनमा आउट भए ।

यसअघि टस हारेर पहिले व्याटिङको निम्ता पाएको क्यानडाले ८ विकेटको क्षतिमा १ सय ९३ रन बनाएको थियो । क्यानडाका ओपनर व्याट्सम्यान श्रीमन्थ विजेरत्नेले एक सय ५२ बलमा आठ चौकाको मद्धत सर्वाधिक १ सय ३ रन बनाए ।

त्यस्तै हम्जा टारिकले २४, शाद बिन जफरले १० रन बनाए । नेपालका लागी बसन्त रेग्मीले ३, सन्दिप लामिछानेले २ र करन केसी र शरद भेश्वाकरले १—१ विकेट लिए । क्यानडामाथि एक विकेटको सनसनीपूर्ण जित निकाल्दै नेपालले विश्वकप छनोटमा स्थान बनाएको छ । नेपाल सन् २०१९ मा हुने आइसीसी विश्वकप क्रिकेट क्वालिफायर्सका लागि छनोट भएको छ ।