प्राकृतिक ताजमहल हेर्नेको घुइँचो

समाज

सुमित्रा कार्की\उदयपुर। उदयपुरको त्रियुगा नगरपालिका वडा नम्वर ८ र १६ मा पर्ने माटे खोलाको शिरमा ताज महल जस्तै देखिने प्राकृतिक ताजमहलको आकृति भएको पहाड फेला परेको छ । शाही खोलाको किनारमा अवस्थित पहाडको भित्तामा प्राकृतिक रूपले ताज महलको आकृतिमा रहेको माटोको ढिस्कोलाई अवलोकन गर्न अहिले दैनीक हजारौ सर्बसाधारण आउने गरेका छन् ।

स्थानीय तथा राष्ट्रिय संचारकामाध्यममा पहाडको भित्तामा रहेको उक्त सुन्दर आकृतिको महल जस्तो आकारलाई प्रथमित्तका साथ स्थान दिइँदा हाल दैनिक हजारौँको संख्यामा मान्छे आउने गरेको छ । हाल उक्त स्थानमा उदयपुरको साथै सिरहा, सप्तरी , खोटाङ्ग, भोजपुर सुनसरी मोरङ्ग, गोरखा लगायतका जिल्लाबाट समेत सर्वसाधरण अवलोकनको लागी आउने गरेको छन् ।

एकातिर खोलानाला, अर्कातिर पहाडका भित्ता, त्यही भित्तामा विभिन्न कलात्मक सुसज्जित सुन्दर आकृतिहरू, झट्ट हेर्दा लाग्छ, ताज महलको आकृतिमा बनाइएका सुन्दर भवनहरू, प्रकृतिले प्रदान गरेका पहाडको भित्ताहरूमा माटोको ढिस्कोले आफैं बनेका कलात्मक आकृतिहरू हेर्दा जोकोही रमाउने गरेका छन् ।

हाल दैनिक अवलोकनको लागी आउनेले पहाडको भित्तामा बनाइएको उक्त सुन्दर महलको आकारलाई सामाजिक सञ्जाल फेसबुकमार्फत पोस्ट गरेपछि झन धेरै विभिन्न ठाउँबाट मानिसहरू अवलोकनका लागि आउन थालेको स्थानीय बताउँछन् ।

Comments

प्रकाशित मिति : 2018-10-31

प्राकृतिक ताजमहल हेर्नेको घुइँचो

Comments

अरु समाचार