ताजा समाचार

नेविसंघले किन लियो सरकारी गाडी नियन्त्रणमा ?

समाचार
-
       

काठमाडौं । नेपाली कांग्रेसको भातृ संगठन नेपाल विद्यार्थी संघले २ वटा सरकारी ठाडी नियन्त्रणमा लिएको छ । सरकारबिरुद्ध आन्दोलनरत नेविसंघले शनिबार लैनचोर र लाजिम्पाटबाट सरकारी गाडी नियन्त्रणमा लिएको हो ।

बिदाको दिन सरकारी नम्बर प्लेटका सवारी साधन चल्न नदिने आन्दोलन अन्तरगतको घोषित नीति अनुसार दुवै गाडीको साँचो नियन्त्रणमा लिएको नेविसंघका केन्द्रीय सदस्य सुशील भट्टले जानकारी दिए ।

उनले नियन्त्रणमा लिएका सवारी साधनको साँचो आजै बेलुकी कार्यालय समय पछि ट्राफिक प्रहरीलाई बुझाइने बताएका छन् ।

नेविसंघ केन्द्रीय सदस्य भट्ट, जानुका पन्त, पूर्व केद्रीय सदस्य गणेश सापकोटा, विद्यार्थी नेता निरन्जन थापा, सुवास घिमिरे, सन्तोष गुरुङ, मंगल गुरुङ, सुदिप अधिकारी, विजय ढुङ्गानाको टोली काठमाडौंमा बिदाका दिन चलेका सरकारी गाडी नियन्त्रणामा लिन खटिएको छन् ।

Comments

प्रकाशित मिति : 2019-02-02

अरु समाचार

© NewsNepal 2018 - All Right Reserved.
newsnepal.com 2017.hlon.org