सचिवहरुको सरुवा, को कहाँ पुगे ? (सूचिसहित)

समाचार

काठमाडौं ।

प्रधानमन्त्री तथा मन्त्रिपरिषद कार्यालयले सचिवहरुको सरुवा गरेको छ । मन्त्रालय स्रोतका अनुसार पर्यटन मन्त्रालयका सचिव कृष्णप्रसाद देवकोलाई युवा तथा खेलकुद मन्त्रालयमा सरुवा गरिएको छ । उनको ठाउँमा युवा तथा खेलकुद मन्त्रालयका सचिव मोहनकृष्ण सापकोटालाई ल्याइएको छ ।

प्रधानमन्त्री कार्यालयका सचिव रेश्मीराज पाण्डेलाई रक्षा मन्त्रालय र रक्षाका विष्णुप्रसाद लम्साललाई प्रधानमन्त्री कार्यालयमा सरुवा गरिएको छ । त्यसैगरि गजेन्द्र ठाकुरलाई खानेपानी मन्त्रालयबाट नेपाल ट्रष्टको कार्यालयमा सरुवा गरिएको छ । ठकुर र खानेपानी मन्त्री बिना मगरको विवाद बाहिर आएको थियो । अहिले खानेपानी मन्त्रालयमा दीपेन्द्रनाथ शर्मालाई ल्याइएको छ । शर्मा यसअघि प्रधानमन्त्री कार्यालयमा थिए । नेपाल ट्रष्टमा सचिव पद रिक्त थियो ।

एक जना सहसचिवलाई सचिवमा बढुवा गरी पदस्थापन गरिएको छ । सहसचिव सूर्य गौतमलाई सचिवमा बढुवा गरी महालेखा नियन्त्रकको कार्यालयमा पदस्थापन गरिएको हो ।