ताजा समाचार

नख्खुमा विप्लव समूहद्वारा विस्फोट, गृहमन्त्रीले यस्तो भने

समाचार
-
       

काठमाडौं । एनसेलको नख्खुस्थित मुख्यालयमा भएको विस्फोट विप्लव समूहले गरेको गृहमन्त्री रामबहादुर थापाले बताएका छन् । एकजनाको ज्यान जाने गरी भएको विस्फोटमा विप्लव समूहको संलग्नता देखिएको बताएका हुन् । विस्फोटमा अन्य २ जना घाइते भएका थिए ।

संसदको राज्य व्यवस्था तथा सुशासन समितिको बैठकमा उपस्थित गृहमन्त्री बादलले विगतमा उन्मुत्ति दिँदा संविधान विरोधी तत्वहरु हौसिएको बताए । नख्खु लगायतका स्थानमा भएको घटनाको विवरण प्रस्तुत गर्दै उनले भने, ‘समानान्तर सरकार चलाउने गरी अगाडि बढेको नेकपा विप्लव समूहले घटना घटाएको सूचनाहरु प्राप्त भएका छन् ।’

विप्लव समूहको पछिल्लो बैठकका निर्णयहरु सरकारले प्राप्त गरेको र त्यसले पनि विस्फोटका घटनामा उनीहरुको संलग्नता हुनसक्ने देखाएको उनले बताए । विप्लव समूहको योजना समानान्तर सरकार चलाउने भएको तर, अहिले लगानी सम्मेलनलाई लक्षित गरेर घटना घटाएको उनको दाबी छ । ।

Comments

प्रकाशित मिति : 2019-02-24

अरु समाचार

© NewsNepal 2018 - All Right Reserved.
newsnepal.com 2017.hlon.org